久違了的唧槍曲奇，同埸加映黑人曲奇

今日一早，又起身整野食，呢幾日見好多貓友都整唧槍曲奇，攪到我都心郁郁，拎返支唧槍出黎玩，剛剛開波，量好哂份量、打左隻打，點知同事就打比我，約我食飯，我勁想去，但剛預備哂0的野，冇可能收，所以唯有繼續整......以極速去整，但可能真係唔係用得咁熟(今次都係第二次用)，所以整左好耐.... ，好彩，最後都順利完成 但由於個爐唔大，要分N次焗，我又唔喜歡成日"部"住係度，所以就上下網，睇下POST，點知，就出事啦....... 其中一盆，因為之前睇佢唔多夠色，諗住焗多佢一陣，去回應下人0的POST，就係咁.....佢就燒焦左啦......呀...."佢"好慘呀....原底佢係一個白人架...點知就係咁.....變左個黑人....希望佢唔好怪我啦......哈哈..........
而最後都要12點幾先焗哂，仲未洗野，所以冇得去同佢地食飯...真係唔開心啦 ..........
等0的cookies放涼後，就分左幾批，一批預比貓友laam (tracy)，一批預比工場同事，最大一批，當然係留番比宿舍同事啦..呵呵........
到工場接學員，比左0的cookies亞珊，佢勁開心....跟住我就數人仔..點知都未夠2分鐘，亞珊拎返個兜兜比我....原來0的cookies已經食哂，佢地仲話好好食...真係開心啦.....呵呵.......而宿舍方面，頭先放工，見食剩幾塊....哈哈,...cookies真係我0既作品中最受歡迎0既野食啦...........哈哈....