Wednesday, May 23, 2007

~~遲來的母親節及生日蛋糕~~










plan左好耐...想大班同事開一個簡單0既母親節暨5月份同事生日"爬地"..但好難夾得倒..所以一改再改....終於鐵定聽日攪攪氣氛...大家食下野...簡單咁慶祝一下....
話明"爬地"..當然要我整番個蛋糕啦....原打算整cheese cake...但有同事唔食cheese.....想整栗子蛋糕..又有同事唔食栗子......諗左好耐....點就好呢....終於諗倒整個芒果忌廉蛋糕.....又係cream cake啦......天下開始熱..今日整cream cake真係難....再加上係無糖0既植脂cream...就更難打企...所以0的cream唔夠挺身.....0的花好似溶溶地.....想唧好0的0的花都好難....
整完個cake....發現個cake好白.......想加0的colour....但細佬話...清0的仲好..叫我唔好加野....而且今日真係好"支力"所以放棄左再"攪攪震"..個cream cake..hee...真係好cream....希望同事們喜歡啦.....
Remarks:之前件事有新機.....整個人鬆左0的得黎仍要打醒精神.....各位關心我0既朋友...我會繼續努力...究究小心.....支持落去.....

Tuesday, May 22, 2007

~~氣頂的一天再做出軟軟包包~~












尋日發現生左一件之前曾經發生過0既一件事(朋友們...你地知道的話請唔好留言比其他人知...呵呵....).....雖然事態應該係好嚴重..各人覺得我應該要say...不過但我又唔係咁介意...所以不太影響我0既心情......不過我都promise左自己..比多一次機會人地...比多一次機會自己........算吧.......成個人輕鬆哂......所以打算整番小動recipe0既包包......上次整完覺得超好味......同事朋友聽倒都心動..想我encore整比佢地試.....所以今日一放工...即刻番屋企搓包....整定比男朋友同同事打完war game之後食.......
搓緊舊麵糰時..媽咪去完街街返黎...講笑咁問我係唔係搓包包發洩0的唔開心0既野.......我答佢唔係....因為事實上我只係為左想整包包比喜歡食包包0既人食.....諗住想人地食得開心...自己一邊整....一邊都好開心......造說回頭....其實..好多時唔開心整野食....整完之後...成個人都會好開心...因為整野食果刻..成日都會諗..整好0的整好0的...食0既人食0既時候會開心0的..見倒人地食得開心...自己又會開心.....自然成個人都開心哂.....hehe....
不過當我搓好舊粉...竟然收倒一個電話....有同事話我知有同事0係另一位同事面前無中生有....抹黑我..重傷我...而且仲私自睇我個櫃桶入面0既野......將唔知0既野自己作一個故事叫人信.....聽完果一刻好嬲...成個人好激動.....同人訴苦...發洩...攪倒成日人冇哂mood整包包......不過好彩....個個人都好關心我...聽我發癩...癩完成個人就鬆哂.....又開開心心咁整左0的包包......而且好好彩地.......0的包包依然好好味.....hehe.....
Remarks:想抹黑我0既人..我唔會比你得逞....我會努力0既...日久見人心.....邊0的係好人..邊0的係衰人...人地一定知....扮唔倒0既.....

Friday, May 18, 2007

~~不順利的一天中的順利之作~~












之前上貓網..睇見小動整0既芝士吐司....攪我我郁郁想試整...但懶左一排...都冇心去做.....今日終於的起心肝用小動0既食譜去整包包.......
開始搓0既時候非常黏手......所以都破例加左0的高粉去搓(我平時一般唔會用高粉當手粉或搓包包時另加高粉)..加左15-20g...即刻好好多...但都仲係好黏...不過都硬住頭去搓...最後順利搓好.....
之後清理案發現場....發現yeast好似過左期..呀.......勁擔心會發唔起舊粉.....好彩..最後都好順利.....焗出黎0既包包好香芝士味....我試左半個包包....覺得好軟..好芝士(呵呵...我仲加左高溶回點芝士)簡直勁愛.....爸爸咁岩出街返黎.....見我係度食....佢都拎左另外果半個.....佢都話好好味....話個包包超軟..好正..仲話citysuper有0的類似呢個包包要賣$8一個...叫我將呢個包包價$8...會有人買...哈哈.....唔知點解佢今日忽然咁幽默啦..呵呵....
之後出左去比埋買去台灣package0既尾數..諗住用番EPS..點知..佢話部機今日壞左....真係想即時頂佢..叉佢....不過好似冇咩野動力....只係對佢地黑面..同無奈地出去拎錢.....好彩間旅行社0係銀行附近....如果唔係我一定插0的staff....
之後諗住幫去天水圍西鐵站幫男朋友交Form申請番八達通.....點知....又要授權書..又要ID copy....呀..但我咩野都冇....呀....冇得整.....白行一趟.......激死.....我勁鬧西鐵0的staff...佢就佢話唔係佢地0既問題...係八達通0既問題....唉....聽完一排...冇理佢就走..個人0既心情高漲到極點....打比男朋友non-stop發癲......仲無理取鬧到"及"左佢線......好"忟"呀.....
由於唔順路....所以要行左去拎兩個包包去同事亞女間鋪放底0的包包......好彩沿途有凍飲買...所以即刻買左一支烏龍茶降溫(平時唔多飲凍野)....飲完個人舒服0的......但..仍唔太順利....原打算買一間鋪0既煙鴨胸.....平時冇人買....今日竟然賣哂......唉......點解會咁架......
好彩地今日出街後可以順利回家啦.....真係慶幸.....萬幸....值得一賀...hehe...

Friday, May 11, 2007

~~五一聚會(補post篇)...~~










































五一0既聚會....過左咁耐先上黎post番0的相..係因為我呢排成個人冇哂動力上網..冇哂動力整野....總之成個人咩野動力都冇哂......成隻"死狗"咁....就算上左網.....都好似冇咩野動機去睇野....睇左明明上reply....唔知點解都冇咩野心去打字....咁耐0既一段時間...我諗只係0係泡泡茶個bolg度留過一之言去鼓勵佢........到左今日....叫做有0的動力....的起心肝黎補貼番五一小聚0既相.......
話說五一..大家去反轉tiger家.....去主人家0既屋企.....大家都帶左手信上去....呵呵....我就帶左tiger爸喜歡0既椰汁糕同仲係努力研製0既餃子....而咕嚕就最強..帶左三樣野(最後變身做左四樣野~.~")白菌糙飯焗釀芝麻雞 ....內有乾坤...變身後做左手撕雞...同白菌糙飯 ....另外仲有意大利香草包同埋紅蔥牛油燴新薯 ....而大c...雖然0係gathering之前一日貓左...但仍好有心咁拎左大榮華0既食物....水晶包同古法奶皇馬拉糕過黎.....而主人家tiger就拎左佢出去學0既Grand Marnier Dome出黎...而臨時黎唔倒0既wai人唔到...食食都到..整左芝士包.....嘩....好多野食呀.....但估唔到..我地幾個人...都將0的野食差唔多消滅哂....太勁啦......呵呵.....
除左食.....個gathering仲有個好大0既娛樂...就係同幾隻貓貓玩....不過今次milky都仲係唔蘇我..而ti b就同上次一樣咁熱情...至於新丁冬甩....佢...呵呵..好內向...收埋自己0係主人床上面0既兩個枕頭之間...好可愛...呵呵......
Remarks:希望我0既"失去動力症"快0的好番啦........依家呢種感覺好怪....~.~"

Wednesday, April 25, 2007

~~芙芙推介的楓蜜山核桃芝士蛋糕~~
















兩位同事的兩位妹妹分別為我0係加拿大買左楓樹糖漿比我....不過其中一支企鵝話唔多好味....又好似事實地佢好甜...而且唔夠香(呀...要錢買架....heheh......)反而半個媽咪(煪當我亞女果位同事)妹妹帶番黎送比我果支幾香..而且唔太甜(呵呵仲唔使錢..hehe)....所以攪到我一直都想用黎整野食....咁岩見倒芙芙0既cheese cake...用楓蜜整架....而且又簡單....成日都心郁郁想試下......今日終於的起心肝.....整左啦.......真係唔難整.....不過自己唔好...0的山核桃整得唔夠平均....而且個面有少少裂...同埋自己太急脫模..攪到個蛋糕變左磨姑形....所以整得冇芙芙咁靚.....雪左幾個鐘....成日都心郁郁想試..呵呵.....頭先終於切開左啦....0的山核桃真係0係哂面呀.....同埋好似多左0的.....不過個cheese cake真係好滑..好creamy.....有陣陣楓糖味.....如果配埋咖啡..嘩..不得了啦.......諗起都仲流緊....好...一於聽日起身同媽咪一齊嘆..之後再拎埋返office比同事一齊分享..yeah....

Monday, April 16, 2007

~~假期的食食節目~~






















上星期放假....冇整過野食(因細佬放大假..0係屋企....冇得整野食)同男朋友出左去旺角行街.....行到兆曼..見倒又出名果間冬甩店開左....好長龍......心郁郁想試...最後行左個圈..呵呵...冇咩野人...終於買左黎試...款款都想試..最後想試4款...個收銀姐姐話買五送一..叫我地揀多一個...呵呵....所以就齊頭半打.....件件多好好味......男朋友至愛個簡單0既楓糖味.....我就覺得new york cheese 味最好味....反而略嚴古古力吉時較為甜...比較"漏".......不過送咖啡就剛剛好....正.......
星期日就同ter慶祝生日......一齊食我推介0既加勒比餐廳...叫左一個我推介0既燒牛骨排..一個燒烤拼盆....酥皮焗田螺、茄子雞柳、橙茶......勁正......我見倒0的野食勁開心...攪到位位都話:今日似同wing wing慶生日多過似亞ter......hehe......不過好彩大家都好滿意....特別係我推介0既燒牛骨排.....勁juicy...yeah....而且老闆娘勁pro..又幫我地影相..又好人...又幫我地播歌..勁叫我地唱生日歌.....嘩......咁識攪氣氛0既老闆..邊樹搵呀...hehe....

講起個gathering...有個小插曲....話說我幫亞ter影靚相時...有個角度影唔倒.....所以交左部機比大c影...當亞ter 擺好pose......大c一按制...部機珊左....呵呵...原來大c擺烏龍....按左隔離關機果個制....hehe....大c..應該係患左返工不安症...知道第二日要返工...所以心不在焉.....大c...放鬆0的啦....希望你工作順利啦....^.^
食野過後.....報告下手信啦.....好慚愧地我要返工..整唔倒野比大家...下次補番...hehe...
大c0既蒸蛋糕...原先我掠左古古力同原味....最後多左個班蘭味..呵呵...好多早餐呀...hehe..
laam0既伯爵茶雪芳蛋糕.....試左啦....勁香..下次要叫佢教我整..hehe....
哥師奶(完全唔似哥師奶..亦都唔似師奶....咁佢個名點黎架呢?~.~"hehe..)0既鳳凰酥..好香肉桂味...又有菠蘿味..好過媽咪同男朋友家組0係台灣買番黎果0的好多....男0的個餡陣味勁假....多謝大家0既手信....
今日..終於都可以整下野啦....原本以為媽咪去台灣會買0的蜂蜜蛋糕比我試.....點知佢冇買..我問佢點解唔買..佢話亞姨試左..話我整果0的好食0的.....所以費事買番黎......我聽完一方面覺得開心..一方面又唔開心......因為冇得試下...攪到我冇得比較...不過都冇法啦...唯有自己整番底痕安慰下自己啦.....hehe....整0既時間都有0的擔心..因為水準唔太穩定...失手過...好彩今次冇問題...整得都幾靚..hehe....聽日可以拎去比同事食啦..當然...laam都有份啦....

Tuesday, April 03, 2007

~~細姨...媽咪...生日快樂..~~



















31/3媽咪、細佬、我同幾位亞姨出街食飯....一方面同最細果位亞姨慶祝佢0既正日生日..一方面同媽咪預祝4/4日0既生日....因為屋企有人..所以原先打算唔整蛋糕....點知媽咪話有好多人會去..叫我整個方便而佢地又喜歡食0既蛋糕...所以就整左一個日式芝士蛋糕.....不過可能唔夠訓..好低B地唔記得放張卡張0係底先焗....攪到要將個蛋糕放去低托時...整爛個蛋糕.....細佬見我咁論盡..終於出手相助....成功地保住個蛋糕....燦左果度好彩唔覺...呵呵.....
而聽日....係4/4日..係我媽咪0既正日生日......雖然今日0係公司有好大件事發生...攪到我分分鐘會冇左份工...返到屋企....媽咪"教訓"我一餐.....佢出門前..仲鼓勵我..叫我:"你比心機0的去整野食啦"..記得有一次我又係唔開心...佢都係隨我用整野食(佢地砰唔多鼓勵我0係有人0係屋企0既時間整野食)黎分散自己....所以今日暫時唔諗咁多......集中精神去整好個蛋糕....送比媽咪做生日禮物...希望佢喜歡啦.....可惜聽日要返工...同0倒佢一齊切啦...如果唔係..就更PERFECT啦....
媽咪...生日快樂﹗﹗﹗