~~焦糖兩食~~

自從上次整過焦糖蘋果蛋糕..發現原來焦糖唔係想像中咁難後..情人節已經整過焦糖榛子用黎整古古力...所謂整開番尋味..加上男朋友同我都好喜歡食焦糖蘋果蛋糕...叫我可以再encore...所以整左一個double份量0既蛋糕比男朋友同埋公公婆婆食..hehe....

另外..男朋友其實都好喜歡食爆谷..其實原先諗住情人節整比佢食..不過果日唔夠時間...所以冇整....等下等下...今日先有時間整比佢食....而且又係用焦糖呢...hehe...整出黎味道唔錯....不過下次可以放多少少牛油....好..下次再整啦...

~~貓友聚會+我的生日會~~

2月20日係我0既新曆生日....祝自己呢一年事事順利、得心應手、心想事成先..呵呵....之前同貓友gathering都講開搵日去tiger家玩玩....鐵定左年初三..呵呵...咁岩係我0既生日....又可以gathering...好彩交通都叫方便..唔使行好耐....所以去倒....真係開心.....不過由於新年期屋企出左禁令...禁止我一切0既整野食活動..所以我唔可以為呢個咁開心0既日子..預備野食比大家...唯有食住大家預備0既野食啦....hehe.....排名不分先後

1.咕嚕：焦糖蘋果餅(勁好味..連"趙"兩件+包底..但冇打包~.~")

2.莉芙：即叫即做0既越式春卷(夠新鮮、夠fresh)

3.lalawin+lalawin親戚(sorry..唔記得邊位親戚)：臘味糯米飯+拷麩(第一次食上海0既齋...好新奇..而且好好味..)

4.wai wai：臘味海味糯米飯(原來加左魷魚入糯米飯係好鮮味..下次我又試下先....^.^)5.大丸：古古力杏仁曲奇+蜜桃批(曲奇同批批皮好鬆脆..批批個吉士好香好滑...好味)

6.喵喵+喵佬：馬蹄糕(喵喵supervise喵佬煎糕糕.....好sweet呀....出黎0既糕糕都特別煙韌..hehe)

7.主人家tiger：三重古古力卷(主人家話個卷卷毀容..但完全唔覺..整得好光滑好靚...不過好特別地....我同喵喵、咕嚕第一啖食0既時間都食到卷卷有玉桂味同橙味..但個卷卷冇呢0的材料喎...唔通有化學作用.....hehe..不過對個卷卷冇咩野影響..依然都好好味....

多謝咁多位貓友陪我過左一個咁開心0既生日....下次解禁再回禮比大家..祝大家新0既一年事事如意、身體健康、日日都咁有口福..

~~新年大製作~~

今日已經係年三十啦....為左新年...前日、尋日都0係度整野..預備新年送比人.....最首要整0既...係曲奇..因為之前成日研究曲奇...整左唔少...媽咪見倒之後...叫我整定一0的新年用黎送比親戚...整左原味同咖啡味.....整完先發現兩種曲奇顏色0既對比好大....媽咪見倒..話攪到0的原味曲奇好似唔熟....~.~"不過唔理啦...好味就冇問題啦..呵呵....

另外..竟然有得整蘿蔔糕......其實我原先係冇打算整...就算之前promise左同事整比佢(因為佢話我舊年整得好好食..叫我今年encore)..最後都打算cancel..因為之前比爸爸勁彈我0的糕糕..話我整0的蘿蔔糕唔好食...叫我唔好整....仲鬧過交..所以避舊年"開片"、"冷戰"0既慘劇再重演..所以諗住"食言"...不過咁岩前日媽咪上婆婆屋企....婆婆話佢屋企冇蘿蔔糕....所以媽咪同婆婆講話叫我整....呵呵...有得整啦.....不過都係諗住整比婆婆就算..同事果底...都係算..點知....媽咪仲講口齒過我..話我應承左人..所以叫我今日買野整比人...呵呵...所以今日全日都好忙...食完自己想食好耐0既薑汁撞奶後...就0係度整糕糕..整左1大1細..好cutie...呵呵

remarks：同場加映小牛好有心0既蘿蔔糕、芋頭糕同豬豬年糕..樣樣都好靚呀...多謝你呀..小牛^.^

~~情人節大製作~~

一年一度0既情日節又黎啦.....自從整野以黎..其實都冇咩野認真過去prepare一0的情人節0既食品..係上年同laam、米老鼠同ter整左古古力.....就冇整其他野....

可能今年呢個時間我有好多時間0係屋企亂諗野...諗左好奇想...想試整好多野.....所以就的起心肝預備好情人節0既野....首要0既當然係古古力啦.....其實上星期已經預習過..而且比過男朋友試..所以想多0的變化..比個surprise佢......整左幾款古古力.....有焦糖榛子夾心軟古古力、軟古古力、脆皮外層軟古古力焦糖榛子夾心古古力、脆皮外層軟古古力脆脆夾心古古力....整到個人都傻...尋晚同同事外出食完飯..11點幾返到屋企開始整..整兩點......之後繼續整個盒去放古古力....其實晚飯前已經開始整....但..衰左....所以繼續....好彩..之後都好順利......整整下....整到成3點......好耐冇試過咁"早"訓啦...~.~"

雖然尋晚夜訓..但今早都好早醒..醒左繼續decorate個蛋糕......個蛋糕0係尋日下午整....因為媽咪尋日放工要訓覺...所以唔想嘈倒佢....我要"呢埋"0係房..用手動打蛋器打cheese....呀..想死......不過好開心...為左整個蛋糕..我開左支bailey's..仲偷飲左...勁好飲....呵呵....不過個蛋糕淋面好肉酸..效果比我預期差..所以要花多左好多時間去decorate.....整好左之後..都ok啦....希望男朋友喜歡我整0既野同花0既心思啦.....祝各位情人..情人節快樂....

同場加映晚上收倒0既手信

咖啡味牛軋糖from mable(收倒上手即刻拆左一粒食..好味....)

香妃酥from 咕嚕(聽日一定同男朋友一齊試....hehe...)

~~燙麵雪芳的切件+外出後的手信~~

呵呵..尋日整左0既燙麵法0既古古力雪芳蛋糕..約完咕嚕拎野之後就同男朋友一齊切左個蛋糕試啦..個蛋糕感覺上比之前整0既雪芳蛋糕軟0的同濕0的..古古力味就會似0的....唔會好粉....不過都係唔係好夠古古力味..下次再用濃0的0既古古力再試多次...睇睇效果..hehe...

之後都忍唔住同男朋友試左咕嚕個北海道牛奶包...好軟好好味....請教左咕嚕..下次我又試整下先..hehe......

到咁上下時間..我地出左去之後出左食buffet....係新世界中心果邊食....行左佢個商場....發現0的書全部有85折....睇岩左三本書....呵呵..全部買哂...呵呵....好開心呀....

~~第一次實驗的燙麵古古力雪芳蛋糕~~

話說伊藤家出左一隻叫湯種濃朱古力雪芳蛋糕....見倒..覺得佢好吸引...跟住上一兩個星期同男朋友買左黎試....真係好濃朱古力味...而且非常軟熟..好好味......之後上網search過..發現妃娟有一個65度燙麵蛋糕0既食譜.....想試整....hehe..趁今日同男朋友慶祝...試下整黎一齊試食..睇睇效果.....

不過我唔係完全跟個食譜..有0的亂黎.....除左用可可粉..我仲溶左0的古古力加入去......希望食落去陣味會古古力0的...唔好感覺好粉.....不過焗出黎0的色唔夠古古力feel..比較淺.....如果再dark0的會更好....至於味道....質感....要切左個蛋糕試左先可以匯報.....希望成功啦..如果ok的話....下次用70%古古力再試過....等佢dark0的...hehe.....

~~給貓友的禮物~~

由於企鵝就黎生日..所以大家打算約聽日出黎食個lunch 同佢慶祝下...但因為我聽日同要同男朋友提早慶祝情日節...佢想聽日成日"霸住"我....所以....出唔倒去同佢地食lunch....唯有整定0的咖曲奇比大家做禮物啦..正所謂"人唔到，禮都要到"嘛..hehe......不過今日天氣可能較熱..所以0的曲奇比之前果次更鬆..入口好似溶左咁.......好得意..希望大家喜歡呢個又唔同左0既口感啦~.~"...企鵝..祝你生日快樂..青春常駐.....^.^

~~大師級的中式美食~~

因為要買面麵粉整cookies...咁岩咕嚕問我去唔去cake diy..如果去的話...可以去bees度買一0的靚靚0既日本麵粉..yeah..我當然要啦...hehe.....

先去cakediy入貨..準備整古古力...之後就去搵bees....點知....落到去....竟然走左班車....等左好耐....再去望望個牌..下...原來要等成25分鐘架...嘩..咁耐......我地等左好耐..0的時間好似停左咁..架車等極都未黎....呀..最後都等倒啦.......去到搵bees..已經係下午茶時間啦..我地去左茶樓食tea.....都幾抵食....而且食物都唔錯....hehe.....我地傾左好耐..之後去買cookies模比藍雨....最後回程.....上左車唔覺...落左車....可能開始"支力"所以覺得0的野好重....呀..依家好眼訓.....都係時候訓啦..zzz...不過訓之前...忍唔住試左bees

0既角仔....勁香勁鬆脆..好味.....至於年糕....等多兩日叫埋豬豬細佬切..呵呵..之後試埋咕嚕0既香妃酥..個皮好鬆.....0的餡好香呀...咕嚕..快0的教我整...hehe....

~~焦糖蘋果蛋糕+情人節古古力第一炮~~

今日媽咪見倒我好耐之前買0既一個青蘋果.....我問媽咪...個蘋果仲要唔要得......就4咁睇又好似冇野...所以就切開佢黎睇.....好似又冇野喎...都切開左..所以就用左佢..用黎試整左呢個焦糖蘋果蛋糕..係用貓友波子0既recipe......第一次整焦糖......成日都以為焦糖好難整.....整0既時間有0的擔心..驚自己整唔倒....點知整落....原來唔係咁難.....焗好左個蛋糕...原先想唔食(因為減耿肥)但都切左一件...試味..味道都ok..不過係唔夠蘋果味..都係自己太"孤寒"啦...下次放多0的蘋果先..hehe.....拎左出去比朋友..朋友試左一件....話要拎多一件....呵呵....咁岩我拎多左一件出去...好啦....豪比佢啦....hehe...

另外都第一次0係屋企自己試整左古古力......出街之前雪左入雪櫃..去完街返到屋企試下整形..好彩都好順利.....下之試下0的焦糖果仁放入去..再整埋脆古古力外層比男朋友先..hehe.....

另外..今日仲約左小牛..係呀...係貓網義美蜂蜜蛋糕0既原創者...我0既蜂蜜蛋糕就係用佢0既recipe架啦...今日可以見倒佢......好開心呀..佢好靚好呀....同埋估唔到小牛原來可以同我咁好傾架....hehe..

~~第一次做的咖啡曲奇~~

今日又整cookies啦...由於之前次次都係整原味....所以今次就試下整我好喜歡0既咖啡味....但整之前...真係知放姆 多咖啡粉.....同埋用幾次水去開...後來睇下楊桃文化個網..有一個咖啡奶酥(睇完後個人覺得佢係有奶味0既cookies)所以參考左佢入面個份量...起初有0的拉擔心...驚咖啡份量0既水份會影響個口感...焗完之後..試左一塊...0的cookies依然好鬆化..但....我食唔出有咖啡味....呀.....弊啦......下次再整過..放多0的咖啡水先....後來男朋友上黎拎野..我比佢食左一塊..佢話好鬆化..好好味..我問佢有冇咖啡味...佢話有....陣味都好覺..之後媽媽返左黎..拎左一塊試,...我問佢..覺唔覺有咖啡味..佢又話有....之後我自己又拎左一塊jenny's bakery0既cookie..一試..人地果陣味..好濃..濃得黎...冇遮住牛油味...之後比左一0的jenny cookie比媽咪試...佢反而話咖啡味太濃..好似有0的苦咁..話我果0的咖啡味反而剛剛好....下.....唔通係我0既問題..平時喜歡飲濃0既咖啡....所以0的cookies0既咖啡我食唔出..呀..都係唔理啦..hehe..人地食得出就得啦..呵呵...

~~蜂蜜蛋糕又成功了..好邪啊...~~

今日腳腳覆完診..返左office交病假紙......又黎三個星期期sick leave啦.....返到去...亞頭話我我0係屋企跟埋學員0的成績表.....下.....我屋企咩野學員資料都冇....點做呀......佢話都咁趕.....我唯一方法...就係留0係office度做埋佢......一做.....做左兩、三個鐘......返到屋企成兩點幾....食埋野...呵呵..三點開始整蜂蜜蛋糕......一路整一路擔心...好驚失敗......方法、材料同之前一樣.....唯一唔同0既....係蜂蜜..我用熱水座佢....座左好耐...座到0的沙冇哂.....同埋加入蜂蜜之前..個麵糊座埋暖水......之後焗0既時候..我用190度焗左10分鐘..但用165度焗左40分鐘....145度焗左10分鐘.....今次出黎...冇事啦.....又冇左果層好奇怪0既野啦....yeah....

因為之後耍準備晚餐...所以將個蛋糕放埋左一邊...食完飯先切....亞姨見我0係度切蛋糕..佢都忍唔住偷食左幾件邊邊....仲預訂左一件4com厚切..hehe....媽咪仲一邊同亞姨講：佢成日整蛋糕(指蜂蜜蛋糕)果兩上佢整唔倒，唔成功呀，一路切， 路話唔開心，傻左咁，好似0的仔咁(指我0的學員)，依家佢整倒啦，一路切連個樣都唔同0的﹗(佢一邊講一邊微微咀咁笑)其實真係好開心...特別係失敗過之後成功...有一份特別0既喜悅......攪左一輪...pack好哂..聽日拎比朋友仔or叫朋友仔過黎拎先.......hehe....

同場加映下隻腳趾，唔知點解呢幾日佢又痕又腫....今日等覆診時..勁痕...我忍唔住...做左一樣好肉酸0既野..我諗大家都知係咩野啦~.~"