什錦全麥包包+朋友的生日蛋糕

尋日忽然好想試下再用全麥粉整包包.........於是用左50g0既全麥粉代替高粉.....搓出黎0既麵燭糰唔錯.....好滿意....所以整形時做左唔同0既形狀好好玩....但就整得唔係咁好....我會繼續努力架..... 由於之前貓友Hilda～＊想我影底發酵前0既包包..所以今次就影左....hehe...發酵完入焗爐前..諗緊搽唔搽蛋汁...最後決定唔搽...不過整出黎0既包包效果唔錯......hehe.... 另外..係整包包0既同時間用番星期六整藍莓芝士凍餅0既材料整左一個凍餅比朋友補番佢0既生日......由於時間唔夠...趕住返工...所以冇自己親手整一個生日古古力牌俾佢....真係有點慚愧.....不過好彩..朋友收倒之後都好開心...而且話個蛋糕好好味.......下年一定要plan定..唔好咁求其.....

~~給別人媽咪的生日蛋糕~~

呢個蛋糕..係我0既一個同事要求我整比佢...佢話要佢生日..要我呢個"哎也亞女"整個生日蛋糕比佢..等佢同佢屋企人一齊慶祝時切.....咁我呢個亞媽要求..做亞女0既我當然唔會say "no"啦....所以就整左個蛋糕比佢... 星期五整左個古古力牌....點知原來用白古古力唧字係唔work架....0的古古力好難唧..好快就硬......最後都整左..不過唔係咁靚............. 另外..因為閏企太好人..唔可以0係自己屋企整..所以就去左人地媽咪屋企整...由於0係佢屋企整...佢個爐好怪..上發熱線勁高溫..我焗個蛋糕體...只係用140度.個面已經好快上哂色.....但可能個溫度怪怪地....個蛋糕焗0既時候原先冇野....仲發得好好..點知..後尾個蛋糕面層分開左.....倒扣完..個蛋糕縮得好犀利....不過好彩..放0係入面..睇唔倒....hehe.....但由於時間唔夠...所以個蛋糕整得好簡單..冇咩野特別0既decoration..希望佢喜歡啦

~~經常用的直接法+久違了的湯種法~~

前日用了直接法做了煉奶包包比同事試......同事們咬左一啖...話好軟.....但就話美中不足--冇餡.....所以拎左塊芝士黎夾包包.....夾左之後..就話好好味...呵呵.. 尋日0係屋企忽然間覺得自己好耐冇用湯種法整包包...所以就去整爸爸至愛0既雞尾包同自己至愛0既芝士包....由於依家天氣涼左..我助暖水發酵...焗第一盆0既時候冇事.....到焗第二盆..諗住煲暖0的水去發酵...點知..行開左...唔記得熄火....0的發酵緊0既包...就係咁被蒸熟左....拎出黎..咬左一啖...呀..好黏....好怪...掉左....好彩果盆包得兩個....如果唔係就損失慘重...哈哈......由於冇左兩個雞尾包...所以拎得一個返公司....唔夠分..一人得一啖....呵呵....

~~木糠布甸蛋糕~~

都有兩日冇整野食啦.....因為之前整蛋糕用剩左0的淡忌廉..唔想浪費...所今早一起身就去買瑪莉餅整左呢個木糠布甸蛋糕....加左少少裝飾..睇落去都唔錯............

~~我至怕的Cream Cake又來了~~

今日又整左一個cream cake啦......話說舊同事Anna(佢係其中一個調左去姊妹單位0既同事)見倒我整比公公婆婆0既cream cake..這個cake好靚...於是問我：「咦﹗唔知我個蛋糕有冇咁靚呢？」聽完之後0既我，即時滴汗.......弊 ...又要黎個cream cake..... ..但由於係佢0既生日....咁..最緊要佢喜歡啦....唯有盡力去做吧......未做前..做左research....問左laam點可以令到0的cream冇咁快溶..佢好耐心咁講我知....教我分開幾兜cream...到用先拎出黎.....好多謝你呀laam 由於今日要返工.....所以今日一早起身....10點開始整.....整到1點先完成(都係未計洗野 .......)終於整好啦..都整得唔錯.....今次連個生日牌都係自己整......希望佢喜歡啦.....

~~三角形吞拿魚包包(附三角形包包製作圖)~~

幾日都冇整定包包蛋糕之類比男朋友返工做早餐啦....所諗住今放工即刻返屋企整定包包....點知爸爸冇返工0係屋企....起初以為唔可以整野....點知..hehe..佢知我整包包..話ok..比我整..呵呵...所以我就0係屋企整包包啦.....記得有貓友叫我影低整三角形包包0既製作過程..以為可以搵爸爸影...點知...我搓完麵糰等發酵時....佢出左街..所以冇得搵人幫我影低包餡0既相...要自拍...呀..好難呀.....最後都叫拍倒..唔知大家睇唔睇得明呢..............

~~企足五小時的成果...~~

之前口痕痕..問媽咪...公公婆婆生日食飯需唔需要整蛋糕....佢話由我決定...但由於太忙,..而佢又冇答叫我一定要整....所以就諗住當自己冇講過..點知...尋日當我幫細佬整cookies時..佢同我講.....「下﹗你又整cookies..又整蛋糕...你要返工喎，整唔整得切呀....﹗」我聽完後....即時呆左...滴汗..心諗..乜佢今次咁認真0既...所以就同佢講：「我聽日放工先整......」 所以..今日為左履行承諾..0係好"支力"-既情況下...硬著頭皮上....原打算整一各親戚至愛0既tiramisu便算...但原來有20人....加上係老人家生日..由於佢地較保守..所以整多個cream cake(我0既至怕)今日早上11點放工...就整呀整......企左5個鐘(唔計洗野)....估唔到自己可以整倒2個蛋糕....而且個cream cake..我覺得係我咁多個cream cake中至靚0既....好開心呀...

~~衝呀......衝呀....大假結束了....~~

今天是最後一天的大假，所以在家中開了一間餅房，先用了新模，做了楓糖雪芳蛋糕，但由於用了新模，那雪芳蛋糕模很黏，所以很難脫模，而且蛋糕脫得很醜，幸好蛋糕仍好軟熟，而且有一陣清香的楓糖味；此外，還做了楓糖杏仁提子包，包包雖然很軟，但沒有杏仁味，而且楓糖味很淡，需要繼續進吧﹗最近，做了平凡的煉奶餐包，軟軟的，還帶著一陣煉奶味，很滿意呢﹗
想起明天要上班，心裡有一萬個不願意，希望那感覺快點消失吧﹗

~~返工前的最後衝刺~~

不經不覺間我的大假快將完結，要再次返回公司了﹗可能今年公司有很多事發生，人和事都有很多改變，變的，令我失去了那無拘無束的舒服感覺，更有點兒不安。離返工的日子越近，不安感越強，但.....有選擇嗎？
工事暫時不說了，還是做食物最開心，令我沒有壓力，在放完大假前，今天終於試做了網友kae的光酥餅，但做得不太好，較乾身，且不夠軟，而爸爸則表示沒有了那"嗅"味，所以不好吃，不行，下次我一定要再試做，做出自己喜歡的質感﹗
另外，又用了楓糖，試做了jade的蜜糖鬆餅，但像是不夠甜；最後做了椰檳，這算是今天最滿意的作品，包包很軟，可以留給男朋友明天作早餐吧﹗

~~有字的楓糖餐包+第一次做吐司--楓糖提子吐司~~

由於一直以來，其實已經很想嘗試做吐司，加上之前做的餐包受到好平，所以昨天一次過做了雙倍份量的麵糰，分開兩份，一份用來做餐包，而另一份，則用來做的一直以來已經很想試做的吐司。完成第一次發酵，便預留一份450g的用來做吐司，其餘全用來做餐包。我先做了餐包的做形，然後才做吐司。當餐包完成發酵，進入焗爐前，發現它們很單調，想了一會，由於我打算給男朋友及自己的朋友，所以便把心一橫，在包包面上用忌廉(奶黃)寫上名字，然後放進焗爐，出來的效果亦很明顯，不錯吧﹗當包包發厏期間，我動手做吐司，用了相同的麵糰，加了一點提子乾，便把麵糰卷起，很快便完成。但發酵期間有點擔心，擔心麵糰不能發起，發得不夠高，幸好，最後出來的效果都不錯吧﹗但可能由於太軟，所以很難切成一片片，而且邊位有點下陷，不知是否正常？雖然外觀不太漂亮，但第一次的嘗試，亦是一個很好的開始吧﹗努力、加油吧﹗

~~香軟的楓糖包包~~

昨天又做了一項新嘗試，用了同事送給我的楓糖漿，修改一下食譜，用了直接法，做了楓糖包包，搓的時候真的很困難，麵糰很黏，搓了很久，才成了不黏手的麵糰，但麵糰很軟呢。當麵糰完成第一次發酵時，同事致電約我外出，我想遲一點，但她們說不行吧，所以唯有把麵糰做型，然後放進雪櫃，待回家後再取出來進行最後發酵後才把它們送到焗爐內。回家後，急不及待地把麵糰取出，放進暖水內幫助發酵，而期間的換了三次水，才能於1小時內完成最後發酵。焗包包的時候，整間屋充滿著楓糖的清香，出爐後已很想立即品嚐，但還是拍下照片後才吃，拍了幾張照片後，我便想把撕開包包，看看它的內部。一撕開，便有一種喜悅，很開心的，看見那些包包之間一絲絲的連在一起，軟綿綿，很想試呢﹗拍照完畢，即時咬下一口，很清香，很軟熟呢﹗爸爸聽後，即嚷著要試，咬了一口，很滿意呢﹗這些包包，原打算給男朋友及自己做早餐的，但爸爸說留一些給他攸宵夜，故我把自的那份給他吧，然後便把包包拿給男朋友。男朋友即時吃了一口，說味道很清新，很喜歡，聽了後很開心呢﹗於男朋友家中逗留了一會，我便回家去，怎料，爸爸已把包包吃光了呢﹗我想，這次的包包應該很合他的口味吧，下次要多做一點了﹗

~~充實的一天--港式包包+英式包包~~

今天真的過得很充實，整天留在家中做包包，由於最近愛上了直接法，故今天所做的包包，全都是用直接法，但做包包的材料改了一點，先試用白油(固體菜油)代替牛油去做了叉燒包，搓的時間麵糰好像實一點，但焗出來的包包仍很軟，放涼後(約3-4小時)仍軟，質感亦不錯吧﹗另外，第二次搓麵糰，用回牛油做了忌廉包，出來的質感，有一定的水平呢﹗「專業麵包製作」一書的食譜，做出來的包包真的很軟呢﹗大家不防參考一下吧﹗最後，做了自己喜歡的英式鬆餅，即麥記的豬柳漢堡用的包包。從小便很喜歡吃那煙韌的質感，所以學做包包以來，便很想做一些給自己吃，數月前做過一次，但由於那時牙痛，所以做了也不能試吃。而數月後的今天，終於為自己再做一次，配上豬柳和芝士，與麥記的十分相似，但美中不足的是，豬柳較油，吃後有點膩，下次試試自己做那豬柳吧﹗