~~企足五小時的成果...~~
之前口痕痕..問媽咪...公公婆婆生日食飯需唔需要整蛋糕....佢話由我決定...但由於太忙,..而佢又冇答叫我一定要整....所以就諗住當自己冇講過..點知...尋日當我幫細佬整cookies時..佢同我講.....「下﹗你又整cookies..又整蛋糕...你要返工喎，整唔整得切呀....﹗」我聽完後....即時呆左...滴汗..心諗..乜佢今次咁認真0既...所以就同佢講：「我聽日放工先整......」 所以..今日為左履行承諾..0係好"支力"-既情況下...硬著頭皮上....原打算整一各親戚至愛0既tiramisu便算...但原來有20人....加上係老人家生日..由於佢地較保守..所以整多個cream cake(我0既至怕)今日早上11點放工...就整呀整......企左5個鐘(唔計洗野)....估唔到自己可以整倒2個蛋糕....而且個cream cake..我覺得係我咁多個cream cake中至靚0既....好開心呀...
posted by Winky at 10:38:00 PM
4 Comments:
好勁呀, 我到宜家都吾敢整cream cake. 你真係整得好靚
YUMI
其實我都好怕整cream cake...唔知係隻手熱定係天係氣熱....0的cream0係我手冇耐就溶..好難整靚個蛋糕....今次整得咁靚..都真係好彩啦....不過你都試下整丫...當見倒自己咁成功..會好開心架
你真係好叻, 個蛋糕好好好好好.......靚呀!我好希望可以整到,蛋糕邊的cream 係米你一個一個花jit上去? 好好心機呀, 有無書會教如何整cream cake 的化紋呢?
愛蛋糕
多謝你呀....果0的cream我真係一個個咁唧上去....我記得有次行街好似見倒書店有0的教蛋糕裝飾0既書...不過就唔記得個名..你去一0的賣台灣書0既鋪頭..可能會有....
Post a Comment
<< Home