~~我的第一碌木...不再孤單了....~~

尋日已經想整一碌木..但最後因為唔夠時間所以整左榛子卷代替...今日有時間....終於可以試下整一碌木啦.....媽咪見我整卷卷時.....媽冇咩野特別反應....只係覺得我好似整左好多野咁.....卷好個卷卷之後..佢見我整朱古力cream.....以為我已經整哂野..問我仲整cream做咩..之後我話用黎整樹頭....但佢唔係好明.....之後見我打斜切左個卷卷一下..切左一大節....佢已經開始驚訝....當再將0的cream"敏"上去0既時候..佢就話啦：下.....你做咩野呀...唔係整完咩..仲"敏"cream..整到唔知似乜......聽完勁hurt.....不過冇理佢..繼續整......"敏"完後..佢我問....呢個就係樹頭啦..我話：係呀....不過裝飾完......冇耐...我媽咪就返左工......佢返工前...只係見倒一碌冇人冇物..好孤獨0既一碌木 ......不過經過我一番努力...出左街..行左好耐...終於帶倒0的朋友黎陪佢啦...佢唔再孤獨啦..呵呵.....

~~不是正常..又不是迷你的榛子瑞士卷~~

前幾日手癢癢整左一個..打算用黎整一碌木應下節.....今日原先想試整.....但因為一早出左去母校參加哀悼前校長的追悼會......之後同同學食飯...好妟先返屋企.....所以驚唔夠時間整...之後打開櫃見倒之前買0既榛醬同榛子粉..所以就左黎整瑞士卷...用左3隻蛋配方..以為會好厚....點知焗完放涼後好薄......所以卷完比stand size 細..但又大過迷你....都唔知叫咩野size好...哈哈...
remarks：今日參加左前校長0既追悼會..其實對佢冇咩野特別印象..除左記得佢成日唱"男兒當自強"、喜歡0係週會帶我地唱校歌、同埋話我地想當年0既中五會考成績係歷屆最差外...就冇咩野..亦冇諗過佢對我地做過咩野...但估唔到..今日先發現原來佢為左我地貢獻左好多....甚至將佢0既一生放哂0係我地呢間中學.....參加前..我冇諗過自己會喊..估唔到...當聽到第二位發言者發表時...我竟然會開始喊..........喊0既原因..我都唔知.....可能因為聽完佢地講校長對學校0既貢獻而令我有今時今日0既"成就"(至少我可以畢倒業.....可以入大學..可以搵倒工...可以過安定0既生活....)可能因為培養倒我咁硬咁喜歡挑戰0既性格....正如前校長至喜歡唱果隻"男兒當自強"咁自強不息..唔容易放棄0既特質而多謝佢......總之.....都係一句：刁校長﹗希望你安息吧﹗

~~今早早餐的包包~~

由於今早office安排左一個好騎呢0既早餐配搭...一齊當值0既同事都對呢個早餐呢個配搭冇咩野好感..所以就整定包包比我地自己當早餐...記得愛蛋糕曾經要求過想見下我整包包0既薄膜..所以試下影底佢..不過真係好難影...朮顧得拉開麵糰又顧0倒影相......不過好彩都叫影倒....唔知愛蛋糕係唔係要呢0的呢.... 一出爐同事就食左一個....佢話勁好味......我自己都試下一啖..都唔錯啦..... 今早再番熱.配埋我至愛0既coffee....都真係幾好味..hehe...

~~交換禮物了....~~

其實早0係上一兩個星期已收倒我今年第一份0既聖誕禮物..就係laam同bobomilk送比我0既屋仔....真係好靚...我放左0係office度做擺設..0的同事見倒.....個個都問我會唔會整....我就冇答佢地...呵呵.....等佢地羨慕下我先.....不過我就未正式準備禮物比佢地做"回禮".....~.~"
另外星期六第一次見倒新0既貓友...收到好多手信同禮呀...勁開心呀.....呵呵...... 話明文換..我當然有準備啦...我就整左椰汁千層糕....好過整0既時候可能未訓醒or發緊夢蒸左兩層先記得自己冇放糯米粉&粘米粉..於是九秒九掉左之前蒸果0的...將未蒸果0的亂黎放番唔知幾多0既糯米粉&粘米粉.由於少左漿...所以蒸完比以前薄...好彩質感還可以.....~.~"如果唔係..就唔知點好......
另外..又準備左禮物比男朋友..就係佢至愛0既蜂蜜雪芳蛋糕......hehe.....原先叫佢分0的比auntie...但佢竟然霸哂....真係丫....~.~"
貓友手信 先有mable0既brownies 另外有tiger0既心心曲奇 跟住有咕嚕0既長名包包 仲有貓大c0既草餅&奧莉芙0既得意模模 最後...仲有喵喵0既濃濃古古力淋面蛋糕(呢個試左啦.....好好味....呵呵..)

~~第一次自製栗蓉 X Cream Cake+大師給的美食~~

今日放10:00am..即刻離開office返屋企準備整一個同事要求0既忌廉栗子蛋糕...但由於尋日咕嚕發報..有大師給美食.....聽倒後當然想即刻拎啦....但由於要返工...所以就今日放工拎返屋企.....一返去.....影完相就試....嘩...勁好味.....食完後就開工..整栗子蓉... 其實一早知道會整栗子蛋糕..因為12月生日果位同事好喜歡食栗子蛋糕...成日都同我講..栗子合時..叫我整...但我怕麻煩..所以唔整....但話哂依家係佢生日...所以硬著頭皮上啦....未整前....search左之前0既post點整個蛋糕...點decorate個蛋糕...點整0的栗子...睇番adaw0既post...有0的idea...但deocorate就....不過都要上啦..... 但整栗子0既時間.....可能攪拌機較小型..所以要分幾次打...而且打得唔夠蓉...所以又要分幾次....打打下...都打左成10次.....先叫夠滑..... 整左成個鐘.... 至於"敏" cream..可能天氣涼..所以好順利...但"敏"完..諗左好耐都唔知decorate個蛋糕好.....試左幾個唧咀..都唔滿意.......最後...都係好簡單咁decorate... 到個古古力牌...唉...可能我寫中文字唔靚..所以0的名寫得好醜樣...希望佢地唔介意啦.... 另外同場加影勁濃古古力味0既古古力cookies...0的cookies用70%古古力整架..... 仲有大師bees0既美蜂蜜蛋糕+榛子卷......超美味...