Wednesday, November 30, 2005

最成功一次的糯米池^.^











尋日有同事買左0的糯米粉同椰漿比我,所以攪到我心郁郁,今早一早起身,即刻去整糯米池..今次係咁多次黎講包得最好最成功0既一次,0的皮包得好薄....而且包得好順利,又唔黏手.......勁開心 ..我一邊包,媽咪就一邊睇住我包,佢就講番我以前包糯米池0既瘀野 ......哈哈...今次仲讚我包得好........好開心...諗番起以前包糯米池..真係覺得自己好攪笑.....哈哈...今次包得咁成功..都係有賴各位有經驗0既貓友指點.....多謝各位....^.^

Tuesday, November 29, 2005

沒有作品的一天+有椰檳吃的時候

呢0的係tracy出焗0既椰檳,佢比我果0的,我黎唔切影相已經被消滅哂

今日一早,媽咪叫我同親戚飲茶,所以今日冇得整野食..真你有0的唔開心,飲完茶,返到屋企,都已經係12點幾,都唔夠時間整野食...唯有坐0係電腦前面睇人地0的post..越睇..就越唔開心....同埋覺得周身唔自在.......
返左工..都有0的唔開心.......點知收倒一個電話,係tracy(laam),佢話整緊椰檳..問我要唔要...嘩..聽倒之後勁開心..第一時間當然話要啦........好想試下人地自己整0既野食........yeah....
3點幾,tracy拎左0的包包比我....我就好開心咁拎左入office....0的同事亦爭住要試..........yeah...真係好好食........佢地一邊食......一邊勁慫恿我去學.....其中有一個同事話:你快0的學啦﹗學完我地就有包包食架啦....唔使買架啦..哈哈.......講真..我都好想學呀.....我遲0的要同tracy夾時間,上去佢度攪攪振先,............yeah.....

Monday, November 28, 2005

久違了的唧槍曲奇,同埸加映黑人曲奇


今日一早,又起身整野食,呢幾日見好多貓友都整唧槍曲奇,攪到我都心郁郁,拎返支唧槍出黎玩,剛剛開波,量好哂份量、打左隻打,點知同事就打比我,約我食飯,我勁想去,但剛預備哂0的野,冇可能收,所以唯有繼續整......以極速去整,但可能真係唔係用得咁熟(今次都係第二次用),所以整左好耐.... ,好彩,最後都順利完成 但由於個爐唔大,要分N次焗,我又唔喜歡成日"部"住係度,所以就上下網,睇下POST,點知,就出事啦....... 其中一盆,因為之前睇佢唔多夠色,諗住焗多佢一陣,去回應下人0的POST,就係咁.....佢就燒焦左啦......呀...."佢"好慘呀....原底佢係一個白人架...點知就係咁.....變左個黑人....希望佢唔好怪我啦......哈哈..........
而最後都要12點幾先焗哂,仲未洗野,所以冇得去同佢地食飯...真係唔開心啦 ..........
等0的cookies放涼後,就分左幾批,一批預比貓友laam (tracy),一批預比工場同事,最大一批,當然係留番比宿舍同事啦..呵呵........
到工場接學員,比左0的cookies亞珊,佢勁開心....跟住我就數人仔..點知都未夠2分鐘,亞珊拎返個兜兜比我....原來0的cookies已經食哂,佢地仲話好好食...真係開心啦.....呵呵.......而宿舍方面,頭先放工,見食剩幾塊....哈哈,...cookies真係我0既作品中最受歡迎0既野食啦...........哈哈....

Saturday, November 26, 2005

剛出爐的合桃蛋糕(自發粉配方)+成功的蜂蜜蛋糕



今日返night,返工前有時間整野,所以尋晚諗緊整咩野食好,諗起自己之前plan左星期五整合核蛋糕,但因為post唔倒相,攪左好耐,所以唔夠時間整,所以冇整到,而尋晚回應芝c喵喵,話搵野食同佢今日交換...我依家整好左啦..你快0的入黎啦....呵呵 另外,個合核蛋糕,我係用adaw0既recipe,但尋晚問左佢,用自發份代替低粉得唔得,原來佢都未試過用自發粉做,所以我都做左試驗啦(因為屋企有5盒自發粉,唔想留咁多0係度)..焗出黎,就咁睇就差唔多,但食...就仲未知.....呵呵.....
另外,個蜂蜜蛋糕,今次成功啦,個邊冇下陷啦..幾靚..不過我諗我唔應該用1/4份量,應該用1/3,咁會高0的、靚0的、大件0的.....呵呵...........

水蜜桃批批


今日off,但一起身,又成身都唔自在,又想整野食......諗起尋日0既椰批,攪到我又想整批,好彩尋日拎返之前雪0係冰箱0既水蜜桃落下格解凍,所以今日有我用,我就用左佢黎整個焗水蜜桃批......但當我第一次整好個批皮去焗時,焗完要拎出黎時,我竟然整爛左,要再整過 ,不過好彩,第二次焗出黎,都幾滿意,個批皮比尋日整0既薄....哈哈...............不過整0既過程中,我竟然燙傷左兩隻手指........真係幾痛.......不過都係怪自己大意啦..哈哈.......聽日.......又返night啦.............都有時間整野食.................未知整咩野好.............要諗諗先