~~又有手信啦..呵呵..~~

話說咕嚕想試下榛子瑞士卷....所以就為佢整左一卷....pack左半打比佢...而咁客氣0既咕嚕...當然有回禮啦...拎左包包同蜂蜜蛋糕比我..呵呵....好精美啊...蛋糕0既蜂蜜味好濃...而包包煙煙um um...好得意..而且冇油...好健康....我要一個人食哂佢..呵呵...

之後上左貓網..見倒喵喵番左reply....之後contact過....所以順道拎埋比佢.....而且咁岩都有回禮...係士多啤梨mousse.....而且有兩層....有雙重享受.....真係黎個大滿足...呵呵..

~~實驗中的曲奇+榛子瑞士卷~~

因為朋友之前叫我整鬆化0既曲奇....但我之前整0既cookies..都係鬆脆類..所以搵左好多食譜..六都問過好多朋友點可以整出一鬆化0既cookies....但點整都仲係脆身.....呀.....天呀...我要繼續努力咁搵啦.....>.<

另外今日又整左榛子瑞士卷啦..不過今日有0的發夢..唔知自己做緊咩野...竟然整好蛋體撕開0的紙時撕裂左件蛋糕....好彩整出黎覺......榛子cream時又傻...將0醬同cream一齊打....打左好耐都唔企身...仲問自己發生咩野事...先記起要分開打....呀...今日傻左啦....好彩個卷卷最後冇事啦...hehe.....

~~又被tag了~~

遊戲規則﹕將所有愛的問題誠實地答出來﹐不能說某某,所有和不知﹐答完後,請點名8位朋友繼續下去﹗
寫出填寫日期﹕2007 年 1 月 26日
愛的食物﹕baked cheese cake、古古力products..好多
愛的顏色﹕黑、白、紅、藍、紫色
愛的休閒﹕ 整包包、蛋糕等甜品、上網...
愛的老師﹕miss wan 、miss ng
愛的歌手﹕軟硬、at17、twins
愛的個性﹕坦白、爽直、堅強、溫柔、耐心、體貼、考順
愛的口頭蟬﹕"鞏都得"
愛的小動作﹕抓頭
愛的季節﹕秋天+冬天
愛過的人﹕前男朋友(係past tense)
愛的人(男/女)﹕父母、公公、婆婆、男朋友、細佬
愛的節日：農曆新年
愛的運動﹕可以有好多郁動0既運動
愛的定義﹕相處時感到舒服、冇壓力、開心、溫暖
愛人的時間﹕佢愛我而我又愛0既人我應該會愛佢至到我死(如果死左我都唔知會係點..所以唔知之後仲愛唔愛..呵呵)
我tag了你們: 加冰、laam、ter、adaw...

~~交換禮物日又來了~~

貓友mommy dearest終於黎左香港啦...大家攪左一個gathering.....知道有gathering勁開心..雖然隻腳行得唔係咁方便...但都硬住上....點都要出去匯下大家....
有gathering...當然唔少得手信啦.....雖然上次已經整左千層糕比貓友做手信..但因為想整比mommy dearest試下...所以又整啦..hehe....另外..又要大家做白老鼠....整左用double紙模焗0既蜂蜜蛋糕.....今次四條邊邊焗得比上一次更好....我諗下次可以試下triple模..呵呵....
gathering期間..我地見倒溫那0既健仔(即係彭健新)....由於我地反應熱烈攪到比佢"啤"左我地好幾次....冇法啦..佢唔抵得我地咁熱鬧..佢地咁冷清..同埋知道我地認倒佢..又唔叫佢同我地影相嘛..呵呵....
From 貓友的手信如下
1.愛蓮：藍梅muffin+腰果面muffin(因未食，所以只知有脈果面)
2.mommy dearest：candy mould+魚仔花生+菠蘿卷
3.tigerwong：栗子兄+濃古lee 曲奇
4.lazy cat：五味曲奇
5.貓大c：桂花糕
6mable：鳳梨酥
見倒全部美食..勁想食....星期三解禁啦...可以消滅哂0的手信啦...哈哈...
另外..應大家要求..將個blog0的字放大左...希望大家唔髮睇得咁辛苦啦...hehe...

~~蜂蜜蛋糕又來了...~~

因為朋友去完短期留學，買左手信比我...所以想回禮比佢...問佢想食咩野...跟住佢話佢0既另一0的朋友知道我識整蛋糕...所以就話想我整蛋糕比佢.....由於佢有睇過我個blog....見我呢排有整蜂蜜蛋糕..而佢又喜歡食..所以今日就整左呢小牛0既呢款蛋糕啦..hehe....

不過今日又唔記得係邊邊度鋪多一層紙..所以個邊都係比較乾..但今次就調低左溫度..先用190度焗8分鍾，再用165度焗35分鐘(25分鐘係架底放焗盆)、最後用140度焗8分鐘.....出黎蛋糕面冇之前咁乾同埋冇咁易同蛋糕體分離......不過個蛋糕底好似都係"火農"左0的.....下次要再早0的放個焗盆啦.....hehe....希望朋友0既朋友喜歡食啦.......

Remarks：今日知道有同事(呢個同事係我另一個媽咪)工作期間趺倒休克，被送往急症室......當時我正0係屋企焗緊蛋糕..行唔開...勁擔心....好彩有另一個同事(又係我另一個媽咪)趕左去急症室....到左後打左比我....而且同出事果位同事傾左佢句.....而且識得講笑..話「你依家隻腳"bite"左..唔好周圍去啦....唔好黎啦.....」聽倒佢識講笑..都好0的...hehe...之後佢回程...有同事陪佢..所以叫佢黎一黎西鐵站...拎番幾件蛋糕..食黎補下...哈哈....

~~久違了的椰檳回歸了..~~

今早起身，已經覺得天氣明顯地涼左好多...不過又未至於好凍...所以又整包包啦..呵呵....不過諗左一段時間...先諗起原來我好耐都痛整椰檳啦....而且爸爸同男朋友又最喜歡食呢款包..所以睇完「明成皇后」之後.就開始準備個餡...個麵糰就再睇埋"奇離大狀"先整(呢個係騎呢0既正寫..電視節目「最緊要正字」同「正字工程」教0既..呵呵...)今次整兇黎都幾靚..幾滿意...hehe..

~~湯種玉桂提子包+香橙古古力雪芳蛋糕~~

自從食過咕嚕0既甜杏糖玉桂酒醉葡萄麵包卷..覺得原來玉桂味配提子0既包包都幾好味....當然..咕嚕整得好先至緊要啦.....整得又靚又好味..連packing都好花心思.....簡直perfect....
自從尋日整過包包..今日又想整...見今日溫度ok..所以就試下整下呢款湯種包包.....講講下..都好耐冇整過湯種包包.....覺得個麵糰好好搓..hehe....不過由於屋企冇杏仁..所以用左0的腰果灑上面..好彩都幾match.....不過始終冇咕嚕整得咁好.....但味道我就好喜歡.....可惜我依家減肥..唔可以食一個...只係好慘..亦都忍唔住咁咬左一啖.....好慘呀....媽咪見倒我咁慘..都講左句....下次再整過比自己食囉....唉..希望我下次想整時..天氣會暖0的啦.....
由於男朋友講明唔喜歡玉桂味.....所以問佢想食咩野做早餐.....佢話想食香橙古古力雪芳蛋糕...所以焗左一個6"....不過今次焗得唔係好夠時間..所以偏濕....切左兩件比貓大c..希望佢唔好介意啦

~~黑糖提子包包+不扭紋的扭紋蛋糕~~

自從整親之後...好耐都冇整過包包啦.....見今日天氣叫做暖0的..同埋聽日男朋友返早..所以就的起心肝...整左佢喜歡食0既黑糖提子包....其實佢係喜歡食港式0既提子麥包....起初以為佢0既味道係要用黑麥芽..所以買左黑麥芽精..點知整出黎....都唔係果種味..點知自己誤打誤撞..用黑糖代替沙糖..估唔到..原來就係呢種味...hehe...男朋友試左好喜歡...話係呢種包包...所以今日整比佢.....等佢聽日唔使一早去買早餐..hehe....
另外click左去貓網食譜....睇倒扭紋蛋糕食譜..又想再整....不過今次整得唔夠扭紋....而且比竅較薄..下次我會再試..hehe,.....

~~自製紙模焗的義美蜂蜜蛋糕~~

其實之前0係貓網已經有貓友話可以自製紙模去焗蛋糕.....好處係可以為自己個焗爐度身訂造出一個岩佢0既焗爐...其實之前都為左整卷卷....整左一個紙盆..但我整得比較矮身...所以用唔倒黎整蜂蜜蛋糕....由於仲有紙剩..加上小牛0既鼓勵..所以尋日終於整左個紙模啦...yeah....
個紙模係23cmx23cmx8cm..剛哂小牛recipe內的份量...鋪左4層紙.....各材料混合0既時間同recipe亦一樣.....整好之後..倒入個模....hehe..媽咪見倒覺得好奇怪..問我：吓﹗乜紙都可入焗爐咩..唔驚燒著丫....我話佢知冇事0既..佢就笑笑口...呵呵...
而焗0既溫度..我就調較過..用190度焗10分鐘、之後用170度焗35分鐘(焗到25分鐘，我0係個鐵架底(唔係個模底)放一個焗盆...隔一隔0的溫度..等個底冇咁"火農")、最後用140度焗8分鐘出黎效果ok...不過個邊都係有少少縮同埋較"火農"..我諗下次可以試下鋪多幾層紙係圍邊..因為今次邊邊得兩層紙.....下次都係唔可以懶...hehe...
焗完次後...好趕咁拎左1/3比同事...之後就pack好佢.....後來媽咪打電話比我話想拎0的比同事試...由於佢今日0係屋企附近聽talk...所以佢聽完之後..我就送左外賣比佢..呵呵....佢放工後話0的同事見倒0的蛋糕後即刻搶..食完之後話好味...hehe....今次都幾成功啦....

~~卷卷又來了--朱古力榛子忌廉瑞士卷~~

之前整過榛子瑞士卷同一碌木之後....對卷卷一直念念不忘..成日都想整卷卷(因為整左個紙盆...唔好浪費...用多0的抵0的..呵呵)原先尋日已經打算整..但因為整完蛋糕好"支力"..所以冇整....由於今日又0係屋企發霉(基本上日日都係要留0係屋企)所以可以整卷卷.....不過今日有0的意外..唔知點解個底黏住張紙..攪到"meet"到塊蛋糕一忽忽...唯有用個面黎大出面啦....不過就好易裂.....好彩整完唔覺....味道就....我自己冇試....因為減緊肥..唔可以食甜野...不過男朋友試左..話好好味...好彩..

失敗唔哂....^.^

~~給十幾年朋友的生日蛋糕~~

唔覺唔覺..原來同呢位朋友認識左成十幾年(呀...原來我咁老架啦 )記得上年因為太忙...唔記得左佢生日....又冇整蛋糕比佢....真係有0的慚愧... 不過好彩..今年我記得佢生日....就係尋日啦..呵呵....起初打算只係好簡單咁同佢講聲生日快樂(因為唔夠時間整蛋糕比佢 )同約佢今日食餐飯補祝..點知佢話我知今日係佢舊曆生日..呵呵....所以今日一早起身整左一個蛋糕比佢.....但個蛋糕唔太成功..係6"日式芝士蛋糕....之前都試過0係屋企焗6"次次都爆得好勁..8"就冇事...勁靚....估唔到都今次都係一樣----爆....媽咪見倒..佢話：咁咪仲好，祝佢笑口常開嘛...聽倒之後我勁笑.....真係佩服媽咪.....哈哈... 為左遮醜..用左cream去decorate..但又"敏"得唔好...所以整埋古古力黎圍邊....由於冇諗過會咁....所以冇咩野準備到deocration0既野....只係好簡單咁裝飾佢...希望朋友喜歡啦..不過由卞跛腳...唔可以同佢慶祝...仲要佢上門拎佢0既生日禮物啦......heheh....

~~給同事的蜂蜜蛋糕同場加影腳趾受傷的康復情況~~

唔覺唔覺..我0的腳趾都整親左成12日.....休息左差唔多半個月....日日大部份0既時間都係番0係室內，真係好悶.......隻腳要就住就住咁行..攪到想行遠0的..隻腳好"支力"...0係屋企整野....又唔可以企太耐..驚對隻腳唔好...所以成日都要坐0係度...."晾"起隻腳..勁唔方便.....不過好多時都心癮起...想整野食...就算唔方便..都照整 ..hehe...
休息期間....要同事幫手返我0既夜更...攪到佢地要欠工時...0係更期度有0的日子要提早返工、遲放工..真係覺得唔好意思.....>.<....所以知道佢地喜歡食義美蜂蜜蛋糕..所以尋日就0係屋企整左呢 0的蛋糕比佢地.多謝佢地.... 亞美、亞貞、Katherine....唔該哂你地呀!!!!

同場加影腳趾受傷的康復情況

~呢張相係剛整親時影架~~




~~呢張相係尋日影0既，已經拆哂0的包紮啦~~

~~蜂蜜蛋糕vs楓糖蛋糕~~

之前都整過小牛0既義美蜂蜜蛋糕..但都唔太成功....我個人就覺得係模0既問題.....適逢比我見倒同事佢枱頭左一個木盒..一問之下..佢話冇咩野用....呵呵....問我係唔係要.....yeah..我當然勁開心地..亦都唔客氣咁要左啦....呵呵.....真係勁多謝佢啦.....下次再整一定預番比佢..yeah...... 就因為個木盒......yeah...我成功啦....整得好靚呀..(當然都冇小牛整得咁好啦...)有同事同朋友試食左....話好好味.....yeah.....成功左啦.... 另外用過同事家人幫我0係加拿大買番黎0既榭楓糖整雪芳蛋糕....不過就冇咩野味.....都係用番0係百佳買果隻好0的..... 不過呢0的蛋糕係成個幾星期前整存啦....整完冇耐..我被衣櫃門趺落右腳第三、四隻腳趾....有骨裂...呀..行到拐下拐下.....唔可以企咁耐....所以停左一排冇整野食....... 不過呢幾日好左0的..今日發狂咁整左兩樣野....因為星期日要farewell同事..所以整左個cake....同佢farewell...同埋整左千層糕...比亞姨請人食&比聽日會黎探我0既大姨+亞公+亞婆...呵呵....