~~蜂蜜蛋糕又來了...~~
因為朋友去完短期留學，買左手信比我...所以想回禮比佢...問佢想食咩野...跟住佢話佢0既另一0的朋友知道我識整蛋糕...所以就話想我整蛋糕比佢.....由於佢有睇過我個blog....見我呢排有整蜂蜜蛋糕..而佢又喜歡食..所以今日就整左呢小牛0既呢款蛋糕啦..hehe....
不過今日又唔記得係邊邊度鋪多一層紙..所以個邊都係比較乾..但今次就調低左溫度..先用190度焗8分鍾，再用165度焗35分鐘(25分鐘係架底放焗盆)、最後用140度焗8分鐘.....出黎蛋糕面冇之前咁乾同埋冇咁易同蛋糕體分離......不過個蛋糕底好似都係"火農"左0的.....下次要再早0的放個焗盆啦.....hehe....希望朋友0既朋友喜歡食啦.......
Remarks：今日知道有同事(呢個同事係我另一個媽咪)工作期間趺倒休克，被送往急症室......當時我正0係屋企焗緊蛋糕..行唔開...勁擔心....好彩有另一個同事(又係我另一個媽咪)趕左去急症室....到左後打左比我....而且同出事果位同事傾左佢句.....而且識得講笑..話「你依家隻腳"bite"左..唔好周圍去啦....唔好黎啦.....」聽倒佢識講笑..都好0的...hehe...之後佢回程...有同事陪佢..所以叫佢黎一黎西鐵站...拎番幾件蛋糕..食黎補下...哈哈....
posted by Winky at 8:23:00 PM
6 Comments:
cool!!平均的色水真係非常吸引!!
一次比一次成功!今次仲完美添呀~~
btw,紙模用完即棄?點樣清潔?
wing wing,
我見你整既榛子瑞士卷好靚呀!我好想試下整，可唔可以提供食譜呀？thanks!
加冰
多謝你呀...個蛋糕仲有改進0既空間..我會努力架啦...
由於鋪左幾層紙...所以個模冇污糟到...不過我會用完用水抹抹佢..^.^
蔡師奶
多謝你呀....
其實個卷卷我都係亂整架咋..exactly個份量唔係太記得..以下份量係大約架...
蛋糕體
全蛋 4隻
砂糖 60克
沙拉油40克
低筋麵粉 60克
榛子粉(炒/焗香)10-15克
泡打粉1/2茶匙
鮮奶50克
做法：
1.預熱焗爐 170 C
2低筋麵粉+泡打粉 過篩三次
3蛋黃打至淡黃色。
4沙拉油座熱水加熱
5鮮奶座熱水加熱，加入蜂蜜攪拌，倒入(3）之蛋黃中攪拌，再加入座暖的沙拉油攪拌混合。
6分次篩低筋麵粉及榛子粉入（5）中，用橡皮刀輕手以切拌方式(fold-in)攪拌至混合。
7用另一隻攪拌盆，蛋白+糖打至企身(分三次加糖) ，成蛋白霜
6把蛋黃糊倒入加蛋白霜，用橡皮刀輕手以切拌方式(fold-in)攪拌至混合。
8倒入蛋糕模入焗爐焗25-30分鐘。
9出爐倒扣放涼便可
餡
榛子醬25-30g
甜忌廉100g
1.先將甜忌廉打至企身備用
2.其後將榛子醬打至滑身
3.將榛子醬加入甜忌廉內攪拌便可以用
remarks：整完卷卷0的餡我剩左1/3..你可以再調整過0的份量架...^.^
CINDY
好味道,可唔可以提供食譜呀？thanks!
CINDY
已emial比你
Post a Comment
<< Home