~~與同事通力合作的大project~~

之前plan左會同同事一起整蘿蔔糕......好開心呀....幾個人一齊合作整糕糕..我負責刨蘿蔔..同埋試味..另外就係有時攪攪振去兜下0的料......hehe......而我地0既大廚就負責炒料同較粉漿......hehe.....好開心呀..... 我第一次一次過刨成12斤蘿蔔.... 嘩.....刨完之後覺得自己好勁呀.......... ....12斤蘿蔔...整左9底糕糕....每底係7-8寸......有一底糕糕有同事趕住走..所以拎走左....所以上鏡0既得8底...hehe......
呀.....後因為同事想再整....再研究..想整好0的....所以我又刨多左6斤...所以.....total 18斤....哈哈...........今日刨左我平生以黎最多0既蘿蔔呀.....哈哈.......

~~大project後的細project~~

尋日雖然冇蒸糕大project，但0係屋企就有大project啦..就係大掃除啦..得我自己一個人執哂成個廚房同個廳..又辛苦呀...... 執野期間，有同事叫我整椰汁年糕..呀....天呀...我都唔識整......同埋我邊夠時間整呀.....所以同講話唔整.....點知......佢就指意我一定會整......呀..... 執野執到6點幾......見可能都夠時間..所以就試下整......不過冇咩野信心.....我都同同事講左.....佢話："就算難食，我都會食架，我唔會話你.."......好啦..我就試整啦......仲整埋傳統果隻.............整左出黎.....椰汁個面唔知點解"那"埋一注..唔多靚.......反而傳統果個幾靚啦......hehe...希望兩種味0既糕糕好食啦.....
尋晚拎左年糕比同事，佢話想行花市....我地就行左元朗0既花市.....但行左一陣就行哂..好似冇咩野睇.....跟住同事話....不如去下屯門果個花市睇下...跟住佢就車左我去屯門..點知....果度仲加冇野睇....所以佢又話去埋荃灣.....呵呵.....去到....都係冇乜野睇...但都好過屯門果個啦.....跟住...同事話去埋花墟./....哈哈......又去左啦.....去到後....真係唔同0的..好多人..好多野睇.....好熱鬧..而且好多好得意0既野睇同買..hehe.....我都係第一次去咁多花市....亦都你第一次見倒花市有咁多野睇...hehe.....行下行下..行到成1點幾先走....叔到屋企差唔多兩點....訓左幾個鐘...又要返工啦.....我竟然知醒返工....覺得自己真係好叻啦...hehe.................

~~呀.........又黎大project啦...繼續要還債呀..........>.<~~

呀......今日依然有大project要跟呀.....唉....都皆因自己太過多債要還囉......今日同尋日一樣，要自己一個整6斤蘿蔔，放工加買野，12點幾開波......可憐0既我又要做...冇時間得閒食野......不過唔知解..今日快過尋日......連埋洗野4點已經整哂啦...yeah......一共整左4大底蘿蔔+一小杯迷你蘿蔔糕，(個迷你糕糕係我0既食糧，唔好同我爭 )另外又整左1個牛油蛋糕模咁0既馬蹄糕+一個小杯馬蹄糕....hehe.....今次掌握倒啦..個面好平呀........不過唔知食落會唔會唔同呢..因為步驟唔同左. 另一方面，仲有一底年糕...係尋晚漏夜整架.....第一次整.....唔知味道同質感係點..但按落去就好軟....hehe.....等過年先試啦.....0的債還得七七八八啦..鬆哂 ..yeah...........

~~救命呀......好大個project+好多蘇州屎呀....~~

呀...今日終於都要開turbo去還債啦.....之前應承左幫人地整糕糕...今日已經係年廿六啦......所以一定要整啦.......今日媽咪唔使返工.....我原先想佢幫我手.....問完佢幫唔幫我手之後....雖然媽咪話幫我刨一部份蘿蔔..但我見佢唔多精神..所以都係reject左佢..唔比佢幫手......最後就"孤身作戰.....搏鬥左數小時.....切野切到手都痛.....炒野炒到手軟.....依家終於蒸好哂啦......0的糕糕好靚呀..而且好多料架......最滿足係個馬蹄糕..今次個面好平呀..hehe....但.....當我諗住鬆一口氣之際...發現....呀..好埋"蘇州屎"呀.....好多野要洗呀........洗到我半死......呀.......周身冇力啦..一陣仲要返工夜呀......得半條命啦.........

~~好開心呀...唔使再心驚驚啦~~

尋日有同事話今日整煎羊扒返工比我食..所以我就回敬佢..問佢想食咩野，佢話想食椰汁馬豆糕，原先打算放工馬上番屋企整adaw recipe的馬豆糕...但尋晚有同事話要學整馬蹄糕..所以教佢整左先.....整完馬蹄糕之後，有馬蹄粉剩，有40g，心大心細....諗緊用唔用埋黎整馬豆糕..最後就決定用埋佢..replace一部部0既粟粉，但做左之後又驚....驚佢唔成...... 返到屋企.....唔理啦...放左佢入雪櫃...但仍然好擔心......所以一早起身...即刻打開雪櫃睇下佢點....咦....切開佢....呵呵..好唔錯喎...有少少彈......個質感唔錯啦....不過想佢再彈0的0的...下次試下再多少少馬蹄粉..睇下個效果點先....
Recipe 在comment 內

~~sorry呀..........我又說謊啦~~

hehe...今日起身，其實原先想焗個芝麻芝士餅返office食，但家中唔夠芝士，而忽然好想蛋糕....所以就焗左個芝麻雪芳蛋糕......個糕糕係base on cake lover0既香橙雪芳蛋糕改良架.....出黎個效果幾好....hehe....另外..晚上同事要求我教佢整馬蹄糕送比朋友....所以我同佢一齊又整左馬蹄糕..仲要一整整左三底....嘩.......覺得自己又強呀.....哈哈...............

Recipe 在comment 內

~~糕糕又黎啦~~

今年..有人要我幫手整蘿蔔糕同馬蹄糕送比人......真係好大壓力.....所以之前都已經練習定...試下整...好好彩地.....蘿蔔糕就冇問題....但馬蹄糕就.....前日整左..以為只係軟身左0的..點知雪左一日.佢竟然變左灰色..而且真係變得"好糕"......完成唔似馬蹄糕.......好唔開心.....因為應承左要整...所以要整到成功先可以整黎送比人....所以尋晚雖然好眼訓(成個下午教同事整蘿蔔糕..冇訓度)，都再試整...蒸完放涼後玥放左佢入雪櫃...今朝先睇佢......哦.....但又好似唔錯喎......切黎睇睇....佢又幾彈啦.....yeah..成功.......好彩..好彩......
另外因為之前試整蘿蔔糕..買多左蘿蔔(係多左一個double....有兩條)媽咪話左我幾日啦..所以今日整埋佢......yeah......整左一底....加4小杯...0的杯杯好cutie...hehe......諗住送比laam......留定比佢先......
Recipe 在 comment 內

~~教同事整野食~~

尋日返工，各同事食過個oreo cheese cake之後..都話好好食...而尋晚返夜班......同我一齊拍更0既同事都有食個cake....佢話因為個cake佢覺得好好食...所以話要我教佢整......好彩尋晚冇咩野要跟....所以就有時間"夜晚晚教佢整個cheese cake..教完佢第二日...由於唔想整new york cheese cake，又想試下整第二0的口味，諗起好多同事都喜歡咖啡..所以就試下base on new york cheese cake，去自己整下coffee cheese cake.....整0既時候.....驚自己出錯......所以都幾大壓力......不過好彩..過程順利..出黎個cheese cake焗得好好...0的顏色好平均.....好靚.....不過美中不足0既係..因為物資短缺..所以冇得decorate個cake......同埋冇得落bailey....不過唔緊要啦....各同事試左都話好食......咁都已經好好啦...hehe......
另外，今早有同事造要整一底蘿蔔糕比佢男朋友媽媽..但佢又唔識整..所以又拉左我出去教佢整啦.....哈哈...我就邊教佢邊做.....佢就協助部分同學習.......整好左之後...覺得靚過自己之前整果底..哈哈....

~~一早起身的成果~~

之前整過焗芝餅..剩左0的酸忌廉....之前懶又唔整野....今早一早起身....都唔知整咩野好....所以又焗cheese cake.......同埋見倒自己好"n"耐之前買左0既oreo..所以就手多多..加左0的oreo餅碎入去....哈哈...就整左呢個cake出黎啦..... 另外...其實整左馬蹄糕..不過好似唔成功....可能因為唔夠馬蹄粉......呀..唔開心呀.......我要再整過啦....
另外仲試整左一個中式0既千層糕，話說係有一日，同事同我一齊睇飲食男女，介紹糕糕..睇倒有千層糕，跟住講開個質感同印尼椰汁千層糕勁似..所以我就話試整比同事食....所以今日就試下整......媽咪試左.....話好似食橡皮糖....但拎左返office比同事食...個個都話好食......而叫我整果個同事話係呢個質感....hehe.....唔知唸.....我都未食過出面果0的..所以比較唔倒......

~~中式糕點日~~

今日放工...好想返屋企整野食....但好晏都唔願走...皆因爸爸工傷整親...要0係屋企休息....為左唔想嘈住佢休息..所以就0係office等同事放工.....之後同同事去左食彪記......好耐都冇食啦.......真係好正......食完之後就返屋企....原先想整糯米飯比爸爸食..不過佢整親唔食得糯米...所以放棄左...問佢可以食咩野...佢又答我唔倒....最終唔理佢...自己試整左香蕉糕....都幾成功..口感唔錯..但0的香油0的味有少少怪.....下次再搵下邊隻香油好先.... 之後諗起爸爸喜歡食芝麻卷....問佢可唔可以食.,...佢話ok..咁就蒸左比佢啦...今次卷得幾靚...而且爸爸話滑過上次....yeah......我自己都幾滿意..hehe.....

~~撞彩合桃小杯蛋糕~~

見呢幾日天氣開始暖0的..可以容易0的打發倒牛油..見同事同我講左好耐..仲買埋合核叫我整合核蛋糕..所以今早起身後就開始整....但一波三折...分蛋時..分到第三隻..0 的黃流左落蛋白度...即刻撈起...好彩撈倒.....點知... 第四同五隻都流左入去..仲撈唔走........ ....勁無奈.....不過唔理啦...我照打...大家都知0的多白一定打唔企啦.....所以就把心一橫.....將0的蛋黃放埋入去打...打到0的蛋忌廉狀...再打0的牛油.....之後mix埋一齊再加粉入去焗.....但出黎又幾靚.. 而且食落好軟....冇咩野分別......好彩啦....咁都比我撞彩整倒啦....哈哈......

~~我又黎應下節啦...應節糕糕黎啦......好多蘿蔔呀~~

今日同事講開整蘿蔔糕......分享緊野0既心得...亦都有同事叫我幫佢整....但我就冇咩野信心啦 ..... 記得舊年我都有整....不過就冇咩recipe....好多野都冇份量..亂黎....所以0既時候好驚唔成功....不過好彩..整出黎都幾好味......
今年..我唔想再"食驚風散"..所以就搵左recipe整....今日終於放工..去左買材料...終都整左啦....依家剛蒸好.......勁開心呀...頭先試左味....都唔錯啦...hehe.....聽日媽咪有得當早餐食啦.....
Recipe 在comment內

~~冇用打蛋機...整左0的好椰0既撻撻...~~

因為媽咪尋晚返夜..所以唔想嘈住媽咪訓覺......又想整定0的野比佢帶今晚又返夜食...但唔整得要用打蛋機0既野食.....諗左好耐...最終就整左椰撻.......不過由於太晏整啦..成12點先開始整.....整到成2點幾先整完....快快手要清理"案發現場"..勁趕......好彩都可以準時返工....冇遲到.....拎左0的撻撻返工...比左兩隻朋友......個個都話好食.....好開心呀....
Recipe 在comment 內

~~是日充實之作--爆烈焗雲石芝士餅+包包~~

尋晚好慘...攤0係張床上面到凌晨3點幾都訓唔倒...今日7點幾又比爸爸返工嘈醒.....再訓到10點幾....好彩尋日同事同我臨時調左更..所以今日又唔使返工.......可以0係屋企整野食啦...yeah.....起身後....諗緊整焗芝士蛋糕先好...定整包包先.....最終..都係整左焗芝士餅先........個餅餅初初好靚...點知焗焗下就爆開..到出焗後放涼時....佢中間竟然無端端爆開左.... 唔靚仔啦....... 之後整包包啦.....見雪櫃有0的芝士腸開左未食哂...所以用埋佢....另外仲有同事買比我0既肉鬆....都用左黎整包包.....不過可能好耐冇整包包啦..所以整到好似咩野都唔記得左咁....焗第二盤果陣..仲唔記得掃蛋汁呀..好彩入左爐2分鐘咋....所以即刻拎番出黎補番...好彩冇事.......出黎都幾好.... 趁熱食.....都好軟熟啦.......媽咪左三個今晚返夜班食啦...

~~整個午餐比自己~~

好耐都冇試過自己整午餐食...通過起身....我0既brunch都會係牛奶麥皮..食完後就會整下野食.....但今日...唔知點解好想整0的野食比自己做一個lunch..好耐都冇試過啦...哈哈....... 尋日整野食比媽咪返工...剩左0的津白同肉碎.....同埋尋日買左0的鮮冬菇..加上同事之前比左一包粘米粉比我...所以就整左狗仔粉..起初以為好易..但原來好難整架..好彩最終都整倒....如果唔係..就要食麥皮啦..哈哈...........

~~媽媽明天的午餐~~

今日媽咪返下午更...但聽日一早又要返早更..所以今日唔夠時間整定聽日0既午餐帶返工食....因此我就手多多....整左一個set比佢聽日帶返工食....因為佢未放工...同埋佢冇試過味...所以未知佢鍾唔鍾意啦...哈哈.......個飯盒有兩樣餸----燒汁金菇肥牛卷+肉碎津白.....係"中日混血兒"哈哈..........唔知媽咪見倒會有咩野反應呢？~.~"

~~充實的放假之作--雪梅娘+鴛鴦林明頓~~

今日係"孖day"放假0既第一日..好耐都冇試過啦.....記得之前因為見倒0的士多啤梨又平靚...所以買左兩盒士多啤梨..一盒被屋企人食左....一盒仲0係雪櫃...放左好耐..好彩冇變到.....但又唔想就咁食...所以試下整雪梅娘.....hehe...原來真係唔難架....而且個皮雪左落雪櫃都仲好軟架...好好食呀..hehe.....雖然我就整得唔係咁靚..但佢望落去白裡透紅..好可愛呀.....下次再努力整靚0的先..... 為左整0的完整0的0既雪梅娘.....所以焗左蛋糕..但又用唔哂...所以就用左黎整林明頓.........有兩隻味---班蘭+芒果味...因為驚留得太多0係屋企(因為有清雪櫃令啦...)..所以之後拎左返office..0的同事話好耐冇食過.....覺得好味....hehe......

~~"說謊"的告別，"說謊"的迎接~~

今日正式還左個打蛋機比同事啦......還個打蛋機比同事之前最後一次用個打蛋機黎整左香橙雪芳蛋糕....今日同事千叮萬囑..要我今日同另一位同事出去揀個岩心水0既打蛋機做生日禮物(我生日係2月...之前一個post都講左比大家知啦..呵呵)原先諗住買kenwood有個兜送果隻或有附stand果隻......點知....竟然道道都冇......而且好少款..又冇咩野5速0既款....好彩最後搵倒一呢個啦......我之前都問人借過黎用...都唔錯...而且好平...$198...仲有5速...yeah....我0係另一間見倒...要$258...有個3速都$2xx......由於尋日同事食哂0的蛋糕話好好食.....所以今日買左個打蛋機..我就再整......不過就係小杯裝..好cutie....hehe.....仲試整左蜂蜜檸檬雪芳蛋糕..味道唔錯..但因為急去切...所以切得唔靚下次會整靚0的架啦,,,哈哈......杠 完即刻返左office拎比各同事試.....好彩同事造好好食..好開心呀...之後同同事去打羽毛球..打完之後原本諗住唔同佢地食飯..但之前次次打完我都返症屋企..次次都冇同佢地食飯.....所以今日都係同佢地去左打邊爐..呀....好肥呀..不過算啦..放縱一次吧

~~上唔倒貓網的日子~~

連續兩日上唔倒貓網啦....好唔開心呀.....有好多野想整...但要去番個網度search recipe先整倒...但..依家入唔倒去呀......好唔開心呀......原先想整雪娘梅....但因為之前冇save個recipe..攪到依家想杠 都整唔倒.....好唔開心......點都係唔開心......尋晚同其他貓友msn..大家都好緊張啦........好想快0的可以0係貓網求交流下........
上唔倒網....但我真你好想整野食.....尋晚諗左好耐..都唔知整咩野好.....又唔想拎番pack好左0既打蛋機出黎用.....但..今早見倒屋企有橙..又想整野比媽咪拎返工食..所以最終都係忍唔住....拎左出黎......整左個香橙雪芳蛋糕.......呢個蛋糕之前整過一次..不過今次整得靚過上次....好開心呀.....好彩之前有print out個recipe..如果唔係...我就整唔倒啦....呀......亞貓..希望個網快0的冇事啦...好多貓友都期待緊再入貓網架............

~~與打蛋器話別前的最後作品--兩種size的木糠布甸~~

聽日..我就會將個打蛋器還比同事啦....雖然真係唔捨得...但都要架啦....由於尋日出左一日街..所以冇整過野食.....今日又出左街....以為自己整唔倒野食...要咁樣就同個打蛋器話別...當我打開雪櫃..見倒前用黎整Tiramisu0既淡忌廉....我同媽咪講...要清左佢時..佢竟然冇反對..比我整野....真真開心.....可以用個打蛋器啦....由於有成400幾g0既cream....諗左一陣..就用左黎整木糠布甸.....呢次係第二次整...第一次整....係我剛學整野食0既時候整.....勁樣衰.......今次...整左一個6"size同一個杯.....hehe..整出黎都見得下人啦......真開心......爸爸見倒6"size好似ok...而且佢朋友試過我用clarey配方0既日式cheese cake話好食..所以今次爸爸又開口話要拎比朋友..hehe....好開心呀...我就"豪"比佢啦....留番個杯仔比媽咪啦...yeah....但過左今晚....我就要同"佢"講再見了~~~

~~告別了!!!.....>.<.....~~

好唔開心呀.......同"佢"相處左咁耐..經歷左咁多野....."佢"終於都係要離開我啦.........個心真係唔舒服..好捨得....... 其實同"佢"一齊0既第一日，我都知"佢"始終都係會有一日會離我而去架啦....因為"佢"始終都唔係屬於我架.....只係暫時留0係我身邊......幫助我.......陪住我..令我開開心心咁生活.........但我真係冇諗過"佢"咁快就要走...咁就番返去...真係唔捨得呀........呀..."你"唔好走啦.......>.<....不過我知係冇可能架啦........
睇左咁耐....大家唔好誤會...我係講我用開0既打蛋器呀.......唔知之前有冇提起過..其實我依家用緊0既打蛋器..係同事因為唔會用到(拎比我果時係新架..哈哈)....而佢知我想買....但佢知我又唔好意思據為己有.......所以就話暫時"寄存"0係我度....所以.....個打蛋器..終有一日會還番比佢.......不過我冇諗過會咁"快"啦..哈哈..... 話說同事個女呢幾日忽然話要買焗爐....之後就問起同事有關打蛋器0既下樂.....話想拎去整野食......同事就話我知..所以我就打算還番比佢啦.......冇理由霸住佢啦..哈哈.... 不過依家就要諗下買邊個打蛋器好啦...不過好開心...一班同事打算夾錢送比我做生日禮物...呵呵......我唔太喜歡用3個速度果種..反而喜歡有5個速度0既....而且...想要個耐用0的....但又唔想太貴(因為係同事夾錢..唔想佢地破費)...真係矛盾啦...呀.........好煩呀..........>.<
~~呢個就係同我經歷左好多成功失敗0既打蛋器啦~~

~~新一年了﹗~~

新0既一年咁就到左啦....祝各位朋友新年快樂....事事順利.....^.^.....回顧上一年..最大0既收獲..就係0係網上識到一班志同道合0既"貓友"......大家有共同興趣....傾下計交流心得、整下野食..大家一齊真係好開心...而且得益不少呢﹗其實以前..一直都好似冇咩野特別0既興趣....一般年青人喜歡0既嗜好..我都唔係咁喜歡...唯獨上年...唔知由幾時開始愛上整野食......初初集中整甜品..到依家..已經係到達左咩野都想整0既地步...正如之前都同貓友laruku傾開....依家大家整野食整到好似上左癮咁..一日0整野食..就好似周身唔自在咁........所以日日都會心思思去整野.......哈哈...仲勁過毒癮啦.......哈哈......雖然整野食當中會有唔少0既失敗....亦曾令自己因此而唔開心.....但當自己整0既野食...得到人地0既稱讚......而且人地食得開心0既時候...真係好有滿足感........而且..當自己整野食能夠"一take 過"...果一刻0既快感...真係難以形容.......所以..今年..我會繼續努力....挑戰唔同種類0既食品....^.^
之前試下將自己0既作品比屋企人、同事及朋友投下票，睇下邊樣係佢地0既至愛先..得出以下結果(前五位)：
第一位：印尼椰汁千層糕
第二位：曲奇
第三位：芝士火腿煙肉焗薯
第四位：日式芝士蛋糕
第五位：糯米池
希望來年..我可以有更多0既作品..比各位支持我0既人品嚐啦.....^.^
而今日..自"清雪櫃令"生效後，成日都要檢查個雪櫃，睇下有咩野要"一筆out消，冇得留底.."今日就見倒0的豆沙..同埋花生餡.....所以就諗起整豆沙湯圓.....但花生餡...整湯圓我就怕怕了....所以就整左糖不甩....hehe.....又清左0的野啦.....好開心呀.....