~~我又黎應下節啦...應節糕糕黎啦......好多蘿蔔呀~~
今日同事講開整蘿蔔糕......分享緊野0既心得...亦都有同事叫我幫佢整....但我就冇咩野信心啦 ..... 記得舊年我都有整....不過就冇咩recipe....好多野都冇份量..亂黎....所以0既時候好驚唔成功....不過好彩..整出黎都幾好味......
今年..我唔想再"食驚風散"..所以就搵左recipe整....今日終於放工..去左買材料...終都整左啦....依家剛蒸好.......勁開心呀...頭先試左味....都唔錯啦...hehe.....聽日媽咪有得當早餐食啦.....
Recipe 在comment內
posted by Winky at 9:54:00 PM
5 Comments:
wing wing 好強ah, 連籮蔔糕都反埋, 仲似模似樣, 叻女!
我奶奶整蘿蔔糕好好食架,不過老人家邊會有食譜架,靠口傳一代傳一代,今年傳比我啦~等我今年記錄低個做法再同大家講下先。
tendy
我邊強丫.....我整倒糕糕都係因為0的recipe啦...hehe
meiko
老人家整0既野食係好正....你學左整理好再教埋我整丫..^.^
recipe係修改from藍雨 (用0既係double份量)
材料：
蘿蔔 2斤 (1200g)
蝦米 1兩
冬菇 1/4 兩 (20g) (我沒有用)
臘腸 2條 (80g)
臘肉半條(約100g)
鷹粟粉 2兩 (75g)
粘米粉 4兩 (150g)
水 1.1/2 杯(cup)
調味料： (可隨個人喜好)
鹽 1/4 湯匙
雞粉 1 茶匙
胡椒粉 1 茶匙
五香粉1 茶匙
生抽 2大匙
製法：
1) 蝦米洗淨浸透；冬菇浸透，切粒；臘腸洗浸切粒。 我另外加了瑤柱！
2) 燒鑊加油爆香蝦米、冬菇及臘腸，盛起。
3) 蘿蔔去皮洗淨切幼條，用適量水同煮至蘿蔔軟身盛起。
4) 將蘿蔔之水份，量出 1.1/2 杯份量待涷，將鷹粟粉、粘米粉及調味料倒入開勻，加入炒好的材料，然後下鑊煮杰混合；
5) 糕盤塗油，將混合物倒入扒平，大火蒸 40 -60分鐘分鐘。
6) 蒸好後以筷子插入糕中，若不沾粉表示已熟，待涷後切片煎香食用。
希望可以幫倒你丫...
嘩...蘿蔔糕呀, 好味道 !
今年都打算蒸糕, 不過係未蒸之前食咗你D先啦 ! 我唔客氣喇 !!
P.S. 樂焙果邊我問咗, 問題唔大, 你聯絡咗佢地未呀 ???
Post a Comment
<< Home