~~貓友聚會+我的生日會~~
2月20日係我0既新曆生日....祝自己呢一年事事順利、得心應手、心想事成先..呵呵....之前同貓友gathering都講開搵日去tiger家玩玩....鐵定左年初三..呵呵...咁岩係我0既生日....又可以gathering...好彩交通都叫方便..唔使行好耐....所以去倒....真係開心.....不過由於新年期屋企出左禁令...禁止我一切0既整野食活動..所以我唔可以為呢個咁開心0既日子..預備野食比大家...唯有食住大家預備0既野食啦....hehe.....排名不分先後
1.咕嚕：焦糖蘋果餅(勁好味..連"趙"兩件+包底..但冇打包~.~")
2.莉芙：即叫即做0既越式春卷(夠新鮮、夠fresh)
3.lalawin+lalawin親戚(sorry..唔記得邊位親戚)：臘味糯米飯+拷麩(第一次食上海0既齋...好新奇..而且好好味..)
4.wai wai：臘味海味糯米飯(原來加左魷魚入糯米飯係好鮮味..下次我又試下先....^.^)5.大丸：古古力杏仁曲奇+蜜桃批(曲奇同批批皮好鬆脆..批批個吉士好香好滑...好味)
6.喵喵+喵佬：馬蹄糕(喵喵supervise喵佬煎糕糕.....好sweet呀....出黎0既糕糕都特別煙韌..hehe)
7.主人家tiger：三重古古力卷(主人家話個卷卷毀容..但完全唔覺..整得好光滑好靚...不過好特別地....我同喵喵、咕嚕第一啖食0既時間都食到卷卷有玉桂味同橙味..但個卷卷冇呢0的材料喎...唔通有化學作用.....hehe..不過對個卷卷冇咩野影響..依然都好好味....
多謝咁多位貓友陪我過左一個咁開心0既生日....下次解禁再回禮比大家..祝大家新0既一年事事如意、身體健康、日日都咁有口福..
posted by Winky at 11:58:00 PM
16 Comments:
wing wing,
生日係tiger屋企搞亂檔係最開心架...wahaha....
祝你 生日快樂+新年快樂+身體健康+萬事如意....etc..
開心生日party, great!
至緊要你happy la!!!!
我都忘記寫玉桂+橙味呢段小插曲, 嘻嘻~
你係開心果o黎, 時時為身邊既人帶來歡樂, 希望下次可以試下你主理既食物喇.
Wing Wing: 看見你地gathering真係開心，原來尋日你牛一，補祝你生日快樂，身體健康，開開心心，整多D好野食，最好我有份食，哈哈哈.....
補番同wing wing講happy birthday, 祝你事事順利開開心心ah~~
嘩,真開心,祝wingwing日日都開心,整咩都咁叻叻.
wingwing你開心就好了~
嘿~
再祝你生日快樂,日日都咁開心~
整多d好野食(比我食)~
yeah~哈哈哈~
好多謝大家
特別係tiger借出有無敵大海景0既屋企比我地gathering+party..勁開心呀..同埋mommy好有心咁為我整左個蛋糕...越洋黎0既心意勁warm呀...
補充句生日快樂呢!青春常註!咁開心既日子都唔預埋我呀! 下年我會記住嫁喇!
補祝你生日快樂, 開開心心呀 ^_^
小牛
hehe...多謝你呀..下次再約埋你一齊gathering丫..
ter
多謝你呀...
原來上海菜叫"拷麩", 好彩在別的blog見人煮呢個上海賀年食品, 我改番喇.
大丸
唔該哂..我都改番啦..^.^
:> 您喜歡食餅餅, 好野~ 您都整俾您個wing仔(bf)食la~ ^^
咕嚕
有機會我會試整....呵呵
Post a Comment
<< Home