~~我至愛的其中一款特色圍村小食~~
尋日外婆整左呢個小食....個名叫"介舊仔"(個名我都係照佢地0既讀音打...哈哈..)佢知我好喜歡食，所以特地拎左去我亞姨屋企，叫我媽咪今日放假拎比我食...今日媽咪拎左返黎啦....真係好好食.....點食都唔厭.. 就0係尋晚，外婆知我依家成日都整野食，所以尋日整左之後，特登打電話比我，教我點去整.....hehe..我有抄低0的大約份量....只係大約架咋....冇法啦....老一背0既長者，整野食係靠經驗架...唔會好似我地依家0的後生仔女咁....咩野都照份量啦..哈哈... 所以我諗我如果真係整的話..都要try an error啦...希望我如果真係整的話..可以成功啦..到時就可以整比自己食啦...哈哈..
posted by Winky at 10:59:00 PM
12 Comments:
Wing Wing,
我係之前係貓網留字俾你個訪客，我叫愛蓮，你好！
見到你啲圍村小食，好有親切感，因為我媽媽都係圍頭人，不過佢就唔識整圍頭嘢食，婆婆在生時，時時會整一啲圍村小食俾我哋做茶點，所以好開心見到你介紹我至愛同埋帶番一啲美好的回憶俾我！
另外，如果可以的話，可否問吓你婆婆講埋點整'手粉'，'清明仔','筒企眼(蛋糕)'。謝謝你！
愛蓮
其實我都同你一樣..好喜歡呢0的小食....我依家都逐步去學緊...
你講0既手粉我知係咩野..但我外婆就冇整開所以佢應該唔識..至於清明仔...hehe...我都好喜歡食..所以呢個我應該會遲0的學埋....至於筒企眼....係唔係即係雞蛋糕呀？我好似未聽外婆講過....
Vincent
=.=" 什麼來的......
Vincent
係一種糕點...煙煙韌韌..好得意架....
"手粉"四四方方好硬果d......
"清明仔"剛整就正
"雞蛋糕"正
Marry Christmas ^__^
laam
我要學整..yeah....
Wing Wing,
唔好意思，因為去咗街依家先睇到你的回覆。'筒企眼'是雞蛋糕的一種，蒸出嚟個蛋糕組織會一條一條直線咁樣(我唔知形容得啱唔啱，希望你知道我講乜)，所以我媽咪話佢哋叫佢做'筒企眼'。有啲圍村食物有時只可以看見實物，先至明白佢哋點解會咁樣叫。我會耐心等待你的試驗結果，或者如果你有食譜的話，你可否post出嚟，我睇吓可唔可以試做。係呢度唔該你先！
愛蓮
sorry呀,....我都唔係好知係咩野...可能我見過..或知佢係咩野..只不過名稱會唔同...anyway..冇所謂啦....我遲0的放多幾日假....會試下整整架啦...整好post出黎丫....
Wing Wing,
唔駛sorry呀，我要麻煩你先要同你講sorry就真喇！其實係元朗光華中心附近有啲婆婆擺檔會有得賣，不過就唔知點整。等我搵日買啲返屋企影低佢，然後post俾你睇，相信你睇咗之後，就會知道係乜嘢嚟…
愛蓮
等我都搵日去睇睇先....我成日都會去果邊架.....順便問問0的婆婆點整先......^.^
Winky
我媽咪係元朗住，而我呢就住係粉嶺，所以我要係星期六或星期日返外家，先可以去光華中心個邊睇吓見唔見到啲婆婆係度。好開心搵度個朋友仔又係咁鍾意食圍頭嘢，我會keep住上你個blog留意你最新消息。傾咗咁多次，都唔記得祝你聖誔快樂，新一年事事順意！
愛蓮
我都好開心有人同我一樣欣賞圍村小食.....我會努力去試下整....祝你新年快樂先....^.^
Post a Comment
<< Home