聽日的特早早餐---懷舊雞蛋糕
今日返完下午更..放8:30pm.....聽日因為要帶活動，所以要返得早更--7:00am-3:00pm...嘩....我0係呢份工...都係第一次返咁早...真係驚自己唔知醒......所以今晚要好早訓...聽日一早起身....所以依家整定聽日0既早餐...但因為要早訓...同埋屋企人0係哂度..所以焗唔倒cake......頭先睇主網..見倒個懷舊雞蛋糕 ..好似好簡單..同好似幾好食...所以就試下整......頭先切0的試味...都唔錯.......不過蒸0既時候好險..個獲放得唔夠水...差0的"火農".....好彩老豆同我講講..如果唔係就.......... 依家冇事..冇事.....吉人天上....yeah......聽日帶活動都會順利..哈哈.....
食譜在comment內
posted by Winky at 10:45:00 PM
8 Comments:
很懷念~~懷舊雞蛋糕
因為媽媽以前會整,想到小時候的片段.......真的很懷念呀！
咁你快0的整番0的黎食啦....真係幾好食架...
咦~~
好想食呢！
點解你全部都冇食譜o既？
加番會好好多o架！(多事中==")
呀！係呀！
我仲想講個 合桃 處理方法你知呀！ (我又多事中 ==")
合桃o係雜貨舖買返o黎後(好污槽)，沖水後要"出一出水"(滾一滾就ok)，
咁就會冇o左佢本身o既苦澀味，同埋污槽o野會出水時走晒出o黎...
跟住過一次清水，放入焗爐170度焗10-15分鐘...
呢個係我睇報紙睇返o黎o既方法，希望你唔好怪我多事...(因為我睇o左你之前個合桃處理方法)
藍雨
好多謝你呀..我以為盲 咁用水洗乾淨就ok...然後就放入焗爐焗...原來有咁多學問架？thanks....下次我都要試下先..因為我自己食都覺得佢有少少苦..但同事食又話冇.....哈哈....
至於食譜....因為我好多時都係0係主網搵recipe..所以好多時都冇post出黎....如果有人問...我先會post..諗諗下....又好似有0的版動...好...咁我又quote或post番0的ecipe出黎先...
懷舊雞蛋糕(Recipe from leisure-cat)
麵粉 75克
砂糖 50克
雞蛋 2個
淡奶 1/4杯
發粉 1茶匙
栗米油 半湯匙
呍呢拿油 數滴
製作
1.麵粉、發粉同篩勻，與糖同放入大碗內。
2.雞蛋打散，分兩次加入麵粉中，然後將麵粉開勻成粉糰， 再將淡奶慢 慢加入，開勻成糊狀。並將粟米油、 呍呢拿油加入，拌至極均勻為止。
3.蒸盤上先塗油，將全部材料倒入蒸盤內，用大火蒸15-20分鐘熟透即可。
o的 合桃 你記得一聞到香味(同埋望o下佢乾未)就要出爐，如果唔係會(火農)o架~
好丫..唔該哂你呀..我睇下邊日我又得閒整整個合桃蛋糕先....^.^
Post a Comment
<< Home