~~出貓的叮噹豆沙餅+黑炭糯米飯..哈哈~~
上次同事北上，買0的玫瑰豆沙比我，諗左好耐..都唔知整咩野好..適逢今日係同事大食會，所以就迫自己諗野....好彩..諗倒啦...尋日夜晚煎定銅鑼燒個皮(叮噹豆沙餅)..........不過煎得唔係咁好....有0的較為"火農"....今早就夾埋0的出貓豆沙入去......不過加埋一齊....成為出貓叮噹豆沙餅..哈哈....不過效果都唔錯..0的豆沙幾滑..又唔太甜..$6有500g....第日叫同事北上再買先..... 另外尋日浸左糯米..想整生炒糯米飯比爸爸食.點知尋晚煎銅鑼燒皮煎到10點幾....所以冇整到...今晚先整....不過一時重手....落多左老抽....攪到佢好深色..我爸爸話："佢仲深色過0的鹵味...不過幾好食...好食過上次.."聽完好開心...上次整....佢都話好食....今次好食過上次....hehe.....有進步..呵呵...
Recipe在 comment內
posted by Winky at 11:08:00 PM
8 Comments:
叮噹豆沙餅recipe from 提拉米蘇公主
材料：
蛋3個
砂糖90克
蜂蜜3湯匙
低筋麵粉180克
發粉2茶匙
日式罐裝紅豆(小)1罐
沙拉油適量
水100毫升
1.把蛋於缽盆內打勻
2. 加入砂糖和蜂蜜，以打蛋器拌勻
3. 倒入清水，繼續攪勻
4. 將低筋麵粉和發粉混合過篩，撒入蛋漿溶液內，攪拌均勻
5. 開啟煮食爐至細火，並在煎pan內薄薄塗上沙拉油
6. 舀起大約一匙羹的麵糊，慢慢倒入一定點，並攤平成圓形
7. 煎至表面冒出小氣孔時，就以鍋鏟輕輕翻至另一面
8. 把另一面略煎約30秒，待包面轉至啡黃色，即可取出放涼
9. 跟從上述的做法，把剩餘的麵糊全部煎好
生炒糯米飯
材料
糯米半斤
獵腸1條(切片)
獵肉1/4條(切片)
冬姑4朵
蝦米適量
水250-300ml
鹽1.5茶匙
老抽1.5-2湯匙
糖1湯匙
做法
1.糯米清洗後浸3-4小時，隔水備用
2.獵腸、獵肉、冬姑及蝦米下獲炒香，加入糯米，用中至小火炒
3.水分數次加入糯米中，每加水一次，均需把糯米炒至乾身，直至把糯米炒熟
4.老抽加糖混合，加入糯米飯中，炒至顏色均勻便可
Wing Wing:我和媽媽都很喜歡吃叮噹燒餅呀, 你整得很好呢...
仲有...若你同事上去買豆沙時, 可否幫我買一包呀?...我都想整呢...若重就唔好麻煩呢!
ter
冇問題..我叫同事買多幾包丫...^.^
豆沙餅很靚呀, 我上次整就真係濃咗啦! 唔整啦, 去你到食仲好啦!
magic_pochacco
多謝你呀....請你食當然冇問題啦.....要幾次個？
惡人又來了..今次係豆沙餅呀...都好啦不過頂米老鼠樣咖, 至於糯米飯梗係有殺錯無放過啦..~~嘩~~哈哈
呀..又有債主上門添.....唯有全數上繳啦......~.~"
Post a Comment
<< Home