唔似砵仔糕的砵仔糕+有份整的酥皮+好少參與部份0既包包
今朝早，媽咪返晏，我問佢有冇野食帶返工食..佢話冇..一陣去買......跟住我就諗左一陣，不如整0的簡單0既野比佢帶返工食啦..跟住就諗起砵仔糕........今次係第二次整.......第一次0係徹底失敗.....所以一直都唔係好敢再整.....但今日終於都整左......但就唔係好夠色..可能因為0的糖唔夠色，再加埋椰汁...所以0的色就更淺..哈哈...蒸出黎..0的色好似好淡0既奶茶....但好香椰汁味......post上網問貓友...好多人都以為係奶凍.哈哈......但都有一位貓友估中左......佢好叻呀...咁都估倒........
之後今日上約左亞ter上laam(tracy)屋企學整酥皮....亞ter落手做..我就一邊睇.....睇佢做就好似唔係好難......之後我都有"look"個粉糰...感覺上好似唔係好難..一來係人地整緊再交比我接手..有哂底......所以就更加覺得唔係太難..唔知到真係自己一手一腳做0既時候又會係點架呢？我都好想試下....hehe.....可惜丫..我要返工..如果唔係可以睇住佢出世.........
另外，laam整湯種包包...我見佢搓..搓得姆 好..而且個粉糰搓得好軟....我都好想試下....但又唔夠時間.....最後..佢整哂.....到搓圓時我就試整左一個....想整第二個時..我已經夠鐘返工..冇得再玩啦........到6點幾....0的包包出世啦....tracy拎左4個比我.....我開心同心急所以冇影到相..好彩tracysend番0的相比我留念...好開心呀....下次再上佢度攪攪振先....yeah.....
posted by Winky at 10:56:00 PM
3 Comments:
今天過得很開心...有你和tracy和我一齊玩整嘢食, 嘻嘻嘻!
Tracy的包包很好吃呀, 仲外賣左一個返屋企(又食又攞), 仲有食獨家"梅酒", 好正呀.
酥皮, 又唔知好唔好味呀, 我走時, 酥皮仲焗緊, 希望食得啦!
ter
winky今日已經上左黎整左個吉士醬,仲食埋添啦！
昨日真的好開心好好玩^__^
ter & laam
尋日真係勁開心呀..大家一齊整野..雖然我冇咩野落手整..但睇住你地整..我就一邊學...真係勁滿足...而且仲有得試整個酥皮同包包...感覺好新鮮...下次我要自己一手一腳整.....yeah.....
今日再上tracy屋企整吉士...伴個酥皮做拿破..都唔錯..個酥皮好好食呀...我拎走左一大部份返宿舍(office)加左cream同蜜桃...0的同事話好好食呀...仲叫我快0的學識去再整呀....尋日0的包包...我一拎到手......就即食左1個....跟住0的同事"分屍"哂....話好好食..好開心呀....
Post a Comment
<< Home