~~忙到半呆....幾日以來0既作品~~

呢幾日好忙呀...返工0既人手嚴重極度短缺..再加上要幫人補習.....忙到整得野食黎....基本上都冇時間上網出post同嫡友們分享下...而今日...原先都想整下野食...但媽咪係屋企畫哂"地盆"......好多床單、被鋪放哂係全間屋企...所以唔整得野食......再加上"工傷"整親隻腳...呀..都係時候休業啦..哈哈....不過依家都好丫...可以上下網..post番之前整過0既野......update下自己個blog

~~男朋友的包包早餐+迷你Pizza

尋日原先同男朋友有0的野要做..但佢上司突然唔比佢放假..所以打亂哂我地0既計劃..度度都冇得去....唯有0係屋企整下野.....仲好..整定0的包包比男朋友做早餐..hehe....今次0的包包..我放左0的茄汁入去...但唔係好覺佢有茄汁味....hehe..下次放多0的先.....秉承之前包包0既風格..我又係放左好多餡呀.....hehe...其實整左一隻比自己...勁芝士架...不過自己竟然撈亂左....咬開左一隻預備比男朋友0既包包..呀........我隻芝士包包呀.....唔知邊隻係呀.... 不過算啦.....落係男朋友肚..都係一樣姐...哈哈..... 另外....再試整左迷你pizza...第一次好怱忙咁整..反而整得仲好...今次反而冇上次整得咁脆..下次再努力...

~~Farewell的第一次+終於整左芝士包包啦....~~

星期日....同我共事左4年0既同事..佢終於正式調職啦....佢之前一直都問我幾時整個pizza比大家食....hehe....我一直都冇咩野信心整...但為左呢個同事..我終於的起心肝啦.....整0既時候有0的驚...而且唔太順利..但好彩..終於整倒啦.....不過整得唔食好靚...但佢地就話好好食...hehe....另外..呢個同事話要食焗薯...所以果日真係好忙....整完pizza....又整埋焗薯....由早到晏....成個人好攰..但見倒佢地食得咁開心.....成個人精神哂..hehe.... 另外......星期一放假..終於開左上次專程去火炭買0既高溶點芝士整包包啦...仲加左芝士醬、餐肉同煙肉0係入面....好多餡呀..男朋友好喜歡呀..heheh...

~~品嚐北上後的手信...~~

前幾日同同事北上...去左一間百貨公司買左一隻叫蕃薯粉的粉條...0的粉條睇落去0既顏色唔多討好....但食落口幾煙韌...記得第一次同朋友試過0係銅鑼灣試過食呢種粉....叫佢做重慶粉...而冇耐前亦同朋友食過一次....配辣湯...真係好正.....hehe..不過今次我就用左佢化替左粉皮..用左黎做呢個涼伴雞絲蕃薯粉..食落口感幾好...而男朋友話個醬汁較得唔錯....hehe...

尋日..男朋友話好想食我整0既糯米池...話好耐冇食過.....所以打算整比佢食...不過尋日因為有野做..一早要起身..所以好眼訓...唔多想整..但又唔係好忍心...所以始終都整左.....仲整左兩種口味添...一種係黑芝麻..另一種係奶黃.....hehe..可能個皮真係好薄..所以用主網0既recipe..300g粉..倒成30幾個(因為餡唔夠，只整倒30個..其實粉糰冇要..)而且0的餡好似透左出黎.....睇落好似有兩隻咁..hehe...

~~失手後的佳作---古古力栗子卷卷....~~

尋日終於試整左豆腐雪芳啦...不過唔知係唔係訓唔醒...定係因為太耐冇整.....竟然較錯時間...將個雪芳焗左25分鐘...焗完都仲唔知...只係覺得好似有0的奇怪..個雪芳好似冇咩野色咁.....倒扣完..切左..發現個蛋糕好濕..都仲未諰倒呢樣野..以為自己放多左奶..攪到個蛋糕咁濕....到焗個古古力雪芳去們卷光時..先記起....所以...焗完個卷卷...再放入爐入面焗多佢15分鐘...(果時切左件...但照焗..哈哈 )不過好彩..真係好好多...但因為唔靚..所以冇影相...但味道好好...好香豆味....下次我會再黎...成功左再post個recipe出黎比大家...hehe.... 另外...由於上次整栗子雪芳..剩左0的栗子...所以今日試下古古力蛋糕配栗子餡.....出黎又幾夾..唔錯....至於個卷卷....卷出黎都ok冇想像中咁難....不過蛋糕好似厚左少少.....下次試下用3隻蛋0既份量整個雪芳先....因為個爐唔大啦..hehe...

~~放大假了....繼續開業...哈哈.....~~

尋日正式開始放大假啦..好開心呀.....由於放大假..唔會返office...所以原先打算休業..暫時唔整野食...點知...唔知自己幾時同男朋友講....放大假期間..會包辦佢每日0既早餐..所以..hehe....比個理由自己繼續整野食..... 而尋日...原先佢要返工.....但為左陪我開始第一日0既大假...佢推左琪人地0既更....改星期日先返工.....hehe.....佢仲話要同我一齊整包包.....但有0的擔心..因為太耐冇整過啦..而且..仲試左用中種法整....整0既過程好攪笑..男朋友整左好多好奇特0既包包...有一個...係佢0既至愛...佢整包包都係為左整果款包包.....就係雞比包啦..哈哈....好大個呀....哈哈.......不過整兇黎..好似好大陣依士味.....不過男朋友話唔覺...唔知呀......佢食得開心就得啦..... 另外..0係等緊包包發酵時..就試左整香蕉muffin....整出黎好香呀....都唔錯hehe.... 今日...又試多次整中種包包....尋晚整定個中種....用個密實袋入住佢..0係室溫發足佢一晚.....但打開膠袋..好大陣酒味......其實我都想問問.....個中種可唔可以放0係室溫發一晚呢？同埋會唔會發酵過度呢？ 不過頭先整出黎0既包包...幾靚....又冇好伕尋日咁..有依士味....不過就唔夠軟..可能我放多左少少高粉啦...hehe....下次再努力先...hehe... 0係等包包時又整狙muffin啦.....今次又整香蕉味啦..因為屋企有香蕉啦..而且就黎爛啦..呵呵......另外仲有男朋友喜歡0既古古力......hehe...整左咁多野比佢食...一定夠佢做早餐啦..呵呵....

~~被人遺棄後的作品+muffin大project..~~

前日好唔開心..有被人遺棄的感覺....明明問左工場同事星期五有冇打羽毛球活動...佢地話冇....點知尋日見倒有幾個同事著得好sporty..先知佢地真係有打羽毛球活動...知道之後好唔開心.....唉......唔想我參與..就大大方方.....唔使搵藉口.....不過算啦......仲好..0係屋企整蛋糕..... 今次我試下學愛愛同咕嚕佢地...用蛋糕做圍邊..不過個焗盆唔夠..所以我用紙自己整左一個兜...用盡我個爐0既位..不過都係整得唔係咁好......下次我會再整好0的架啦..hehe.....今次整左兩個6寸...一個比男朋友帶返工請同事食..不過佢尋日接左個蛋糕之後..就即刻切左黎試...仲影左一影佢咬緊個蛋糕0既相添..仲指明要post出黎..呵呵..... 而今早起身..就整左個muffin大project..焗左25個muffin....因為想星期日同男朋友去探佢爺爺時同佢一齊拎入去做手信..hehe....因為上次合桃好受歡迎..所以今次整左13個合桃味...另外祇男朋友要求..整左double chocolate ....好多古古力粒呀..仲要好大粒呀....整左6隻..另外就試整左成日都好想試整0既"lum"酒提子.....整出黎同事話唔錯..hehe...

~~暫不說謊的日子+muffin同樂日.....~~

呢幾日都冇說謊..hehe..試左整唔同0既野....先試過自己一手一腳整紅豆，用黎整椰汁紅豆糕.....整出黎好彈..同事話味道剛剛好..hehe...
另外.....有一日 0係烘焙店買左0的muffin紙托..所以忽然好想整muffin.....諗諗下..都好似有成半年以上冇整過muffin啦..hehe.....所以就想再整........睇下自己有冇進步..hehe...先整左黑芝麻..0的芝麻係同事北上時買比我0既....自己炒香左...就用左啦.....焗0既時候都幾香...hehe... 但因此個爐唔夠大....焗出黎得6隻..唔夠分....所以焗完..又再焗...不過今次就放左古古力粒粒入去....hehe....焗完...又覺得唔夠....所以整焗多隻....今次放左合核..hehe......好開心呀....估唔到自己都焗得幾靚(自己讚自己)......依家可能焗得野多.....所以真係有進步架.....好滿意呀.....好開心呀..