~~又再farewell了......她們要求的日式芝士蛋糕~~

由於上次farewell時，有將調職0既同事冇去到farewell晚晏，同埋今日係果位同事0既last day..所以就0係oiffice同佢攪左個小型0既farewell party，party前，我問同事整咩野cake好....佢地問我整咩野最方便我....但我原先想整個古古力mousses cake..但因為星期六要返12:30pm...而星期日又返早...所以唔夠時候整古古力mousse cake....所以諗左好耐....佢地問我整日式芝士蛋糕麻唔麻煩..我話好快..都ok..所以佢地就要求我整日式芝士蛋糕......今次整得仲好過上次...焗得好靚.........好平均....放涼後仲冇咩野縮到...好開心呀....我自己就冇咩野食到.....但個個同事食完....都話好好食..好滑....仲好過上一次.....YEAH..

~~告別了.........為她們做了芒果乳酪蛋糕...~~

今日為調職0既同事攪了farewell......雖然佢地調去0既地方，只係一街之隔...但始終都係唔同左單位.....真係唔捨得佢地....一邊整蛋糕...一邊就覺得唔開心....但都希望整一個好0既蛋糕.....歡送佢地......所以好比心機去整....第一次焗0既雪芳蛋糕...整得唔好....所以再焗......好彩第二次整出黎唔錯....都幾滿意.....所以就拎佢黎整個乳酪蛋糕........好開心.....整得好成功...hehe...佢地見倒....都覺得好開心...hehe..............希望佢地工作順利同愉快啦....

~~好多謝咁多位0既祝福.....好開心0既生日.................yeah...~~

頭先見倒mommy dearest比我0既post....同埋為左我整左個蛋糕....仲有咁多jm0既祝福......真係好開心呀.......好感動....多謝你地呀....
其實尋日..同事為2月份0既同事們慶祝生日(主要係為我)攪左一個生日會...好多野食..好開心呀......有同事訂左一條三文魚、仲整左焗羊扒同泰式柚子沙律添.....而由於同事話我生日...叫我唔好整蛋糕比自己...所以我拜託左米老鼠幫我整左個蛋糕....嘩...好正呀......佢整左個古古力mousse cake....0的mousse 好滑..好濃古古力味...而且有金萡..好名貴呀.......為左多謝佢....我開左張cheque比佢.....仲兌現左...整左生炒糯米飯比佢食.....希望佢喜歡啦......有剩果0的....我地用黎開party食左啦....哈哈..... 今日.....因為有朋友同我同一日生日...所以我同男朋友為左佢(同埋自己 )整左個蛋糕......係一個焗藍梅cheese cake..個朋友話想食奇異果同士多啤梨..所以0係decoration度加左上去....hehe.....我同男朋友整得好開心....hehe....我都係第一次同佢一齊整cake.....由於佢係新手.....所以佢整個cake時....覺得好緊張..好好奇..見倒佢....諗番起.....hehe...覺得佢好可愛....hehe....整倒出黎...佢覺得好開心.....個朋友見倒個cake...都好高興..hehe...... 整完個cheese cake....由於男朋友之前食過蜂蜜雪芳蛋糕...覺得好好食....所以想我再整比佢食...當係聽日0既早餐...所以就佢一齊整左蜂蜜雪芳蛋糕.....hehe..... 今日0既生日......可以同男朋友一齊..開開心心咁整野食....真係好開心......好耐都冇試過咁開心啦.........
Remarks to 大豬：多謝你....你0係19/2-20/2為我花0既心思..我係唔會忘記架....hehe...

~~昨天、今天不說謊了................~~

hehe.....尋日...去左laam家中整野食....有朋友話要食咸點.....我建議整芝士煙肉菇批...但..佢話唔想食咁多煙肉.....想改為雞肉..所以就試下整雞肉、煙肉蘑菇批......起初有0的擔心....驚自己0的雞肉整得唔好食.......不過好彩..試味..都覺得佢ok......不過整個批就一波三折.......因為自己貪心..想整埋cookies...對照番個批皮.........同cookies差唔多.....都姒就用cookies0既recipe去做.....將個份量整多0的prepare埋個批皮....點知...因為個粉糰太大...所以雪左一段時間都唔夠硬......但又趕時間....所以唯有硬頭皮咁將個糰""入個批盆度......所以個皮整得較厚.......不過好彩..出黎都整得唔錯......幾好食.....yeah.....好開心.....但個朋友今日同我講....呢個唔係批..佢同我講...佢所知0既批上面應該係硬.....好似雞批咁有個面.....哈哈..聽完之後......我叫佢將個批當做大大個0既撻...跟住佢就話同我講.....呢個撻好好食......哈哈.... 至於今日...因為又有朋友話想食我整0既cookies..所以起身就開波..但由於天氣較涼...所以牛油要放一段長0的0既時間先夠軟....攪到我整得好趕啦....因為一陣又要返工啦.....好彩.....如時完成..yeah.....
雖然今日冇整雪芳蛋糕啦....不過我係唔會放棄佢架.....yeah.....

~~原來說謊係會上癮架..............~~

過左一個好驚..又唔開心0既情人節........個人終於都平伏左...要過去0既事..都過去左.....唔使再諗啦..個人可以輕輕鬆鬆咁整野食啦....... 記得有個朋友同我講："你好似整黎整去都係果0的野0既..好似冇咩野新意..你技窮丫...."我自己諗左一陣......我唔係咁認同....以前..我會成日都想試整唔同0既野.....但依家整野食....越整得多...就越想將自己整過0既野整好....掌握好個技巧...之後先再整新野.....我諗咁樣...會更好.....所以我唔理佢...繼續整我至愛0既雪芳蛋糕...hehe....今日一口氣咁焗左三次......第一次....整左蜂蜜雪芳蛋糕因為想試下個新焗盆..所以唔鋪紙就去焗.....點知痴住左....整得唔係咁好......但個質感幾好....幾好味......第二次整古古力(之前食得太多古古力....依家諗起仲有0的驚 )焗出黎幾靚..但古古力味唔夠.......下次要放多0的可可粉....第三次....繼續蜂蜜......yeah...今次好靚女呀.....而且好軟熟..好滿意呀...hehe....

Recipe在comment內

~~屬於我的小禮物+屬於他人的古古力~~

今日...終於都去左郵政局拎愛蓮送給的郵包.....揀左今日拎...真係好有意思...因為我視佢為我其中一份0既生日禮物.....hehe........好開心呀........0的蛋糕好香......所以唔理啦...點都食左....好好味呀....yeah......愛蓮..多謝你呀.....
另外..因為某人的奇想...我為佢整左呢款古古力.....出面係買現成0既古古力殼..入面係自已用士多啤梨切粒粒..之後用冧酒浸住...再放入0的古古力殼入面........今日送左出去....佢幾滿意......佢唔喜歡食甜野.....所以我冇刻意放0的糖入去0的酒度....佢反而同我講..可以甜0的..哈哈...好攪笑.....之後仲討論...下次可以點整古古力.......不過..對古古力..我都係有0的怕啦.....下年先會再整....呵呵...

~~屬於我的生日小派對+朱古力同樂日~~

尋日約左米老鼠、亞ter上左laam屋企學整朱古力......好開心地..米老鼠整左個好好味0既芝士蘑菇批比我地食...而亞ter就為我整左一個又靚..又好味0既生日蛋糕..就係咁..我地0既gathering就變左為我慶祝生日..成為左一個生日party..好開心呀...呢個係我今年第一個生日party..hehe......
之後我地就開始整古古力啦.......過程入面學多左好多野....好多謝米老師同ter老師啦..hehe....仲有就你容忍倒我咁"忟"同埋為某人而整0既奇想啦..hehe..........整出黎0既古古力....我好滿意丫...希望下次自己又再整先...hehe......

~~不開心的說謊+靚靚的藍梅芝士餅..........~~

尋 日發生左一件好唔開心0既事.......依家都仲好驚......可能因為仲未平伏..所以今日0既挑戰又失敗了.......今早起身..我打算再整朱古力綠茶雪芳蛋糕....prepare緊0既時間好順利...但焗0既時候發得唔係咁好.....出爐之後....仲被我整裂左.....呀......好唔開心呀....... 另外..因為有個舊同事12/2生日....我之前promise佢..話整個蛋糕比佢.....所以今日趁返夜..就整定一個藍梅之士餅比佢....焗出黎....都幾滿意...不過唔知點解..明明上次買野時買左happy birthday牌..點知搵哂間屋都搵唔倒..所以即刻出左去買.......decorate完.....自己都覺得佢好靚..希望佢喜歡啦...

~~呀...我為米老鼠......又說謊了~~

尋日同米老鼠傾開雪芳蛋糕.....佢話想試下咖啡味....所以今日特登試整一次....整0既時候都有0的驚..唔知自己整成點....唔知會唔會失敗.....好彩.....整出黎個質感唔錯........頭先佢拎左啦..佢話味道同質感都唔錯........hehe..好開心呀.......還左其中一張支票..hehe....唔好追我啦...米老鼠..呵呵...

~~失敗過後.....為同事說謊.....~~

今日起身....雖然個人唔係好舒服，但又想再整綠茶雪芳蛋糕..所以就的起心肝去整....仲加左0的古古力粒入去......但唔知係唔係自己心不在焉....竟然做錯左step....知道左之後，個人就亂哂...亂咁整........入爐焗左一陣之後都幾靚..點知自己手多....太早蓋鍚紙....攪到個蛋糕面痴左去錫紙度......個面好肉酸 拎出黎試味....覺得佢好濕.....不過味道都ok......唯有自己食啦 之後諗起有同事唔食綠茶....而且佢依家有左bb....唔適宜亂食野.....所以我放棄再戰綠茶雪芳....改為挑戰原味雪芳蛋糕.....整比佢做tea或早餐.....整出黎...我一切.....嘩.......自己都好滿意.....佢睇落好軟滑......我都係第一次見自整得咁好架咋.........yeah.....好開心呀

~~說謊的壓力~~

呢幾日個人唔單止亂......而且仲有壓力.....有一位朋友...不停地要求我試整綠茶味0既蛋糕....佢話要一般0既蛋糕....要好軟熟0既..... 聽完之後...好大壓力...好驚自己整得唔好.....又好驚自己失敗..又好驚唔岩佢謂口...總之..就好驚...... 不過依家都整左出黎啦......但就整得唔係咁靚......味道同質感....尚算ok..希望下次再杠 好0的..同埋加少少變化先......

~~逸色朱屎彈膠+綠間白間糕~~

呢排其實個人有0的亂......雖然好想整野食....但因為有好多因素..所以整唔0倒野食......今日5點幾被嘈醒，6點幾又被嘈醒.......點都訓唔倒....7點幾起左身....成發呆左一段時間....的起心肝整野食......先黎整個日式芝士蛋糕....整0既時候...好似一舊雲咁....心不在焉咁.....好彩整0既時候冇出錯.....而且焗出黎好靚添..hehe....... 但好景不常...出錯0既竟然係椰汁千層糕.......蒸到第六層..竟然唔記得自己蒸緊野咁......個獲差0的冇水......就黎"火農"..好彩發現得早......冇事.... ...今日咁0既精神狀態...我真係唔應該整野食....... 依家冇事都係好彩啦.....