~~為清理雪櫃而整的炒意粉~.~"~~

尋日又比媽咪下左"清雪櫃令"..呀.....所以今早睇睇個雪櫃..睇下有咩野可以整哂佢.....發現一盒出左水0既意粉、少少肥牛、三塊火腿、日式魚蛋.......唔理啦..一獲過..係咁依....整左個汁炒哂佢.......出黎就係呢個樣啦..哈哈.....比左細佬食....佢話唔錯....哈哈

~~給爸爸朋友的日式芝士蛋糕+Elvira Chan的手信~~

前一排...爸爸見我拎野比人食....佢就出聲
爸：成日淨係拎比人食....又唔見比0的我...
我：咁你想點丫.... 爸：連芝士蛋糕都冇個.....
媽：31/12你(爸爸)個朋友生日喎
我：咁咪整個芝士蛋糕比你(爸爸)拎比個friend囉 我爸爸聽完就微微咀咁笑.......
由於下午約左貓友Elvira Chan拎野.....所以今日一早就焗定個日式芝士蛋糕比佢聽日拎返工...之後就切左預備拎比Elvira Chan0既椰汁千層糕.....hehe..希望佢喜歡食啦....下午出左去拎野啦..好開心呀.......Elvira Chan幫我買左陶陶居0既流沙奶皇包同豆沙.....yeah....下次用0的豆沙整野食..一定會請Elvira Chan食....hehe......

~~成個下午0既"杰作"...好無奈呀...~~

前日同事大食會....有同事整左咖哩牛腩返黎....嘩...好正呀......所以我請教左佢點整.....心思思左幾日....今日去舊街市買左材料整....點知....整到一獲泡....整左成個下午....仲差0的連個獲都整穿埋...而且整左0的"蘇州屎"比媽咪做......真係慚愧啦 ...好彩..最後都成功上碟..... 屋企人話都ok.....但就甜左少少...叫我下次唔好整咁甜.....哈哈....可能整得甜品多.....冇左味覺....哈哈 另外..0係炆緊牛腩時...整左香蒜多士..今之唔係用現成0既蒜香牛油..而係用左unsalted牛油 +蒜鹽+鹽去整.....出黎0既效果唔錯.....好彩....都叫有0的安慰...

~~與弟弟合作的Tiramisu~~

弟弟好N耐之前同我講29/12要拎個蛋糕比佢"朋友"慶祝生日.(應該係女朋友..不過唔好比爸爸媽媽知呀 ..佢地未知架....呵呵....) 問我整咩野蛋糕最簡單...我話Tiramisu...呀....可能太耐冇整或者係因為同細佬一齊合作啦..所以好多野唔記得左......而且整得唔係咁好....哈哈....不過好彩...最後都整倒啦.....而且細佬都參與左好多.....呵呵....不過今日由我脫左模先.....因為佢話驚脫得唔好.....所以由我代勞......另外亦由我圍邊.......不過DECORATION我留番比佢做......因為個CAKE係佢架嘛.....要參與多0的先係架...如果唔係誠意何在呀......哈哈....... 不過唔知佢decorate成點呢.....好想知添......

~~出貓的叮噹豆沙餅+黑炭糯米飯..哈哈~~

上次同事北上，買0的玫瑰豆沙比我，諗左好耐..都唔知整咩野好..適逢今日係同事大食會，所以就迫自己諗野....好彩..諗倒啦...尋日夜晚煎定銅鑼燒個皮(叮噹豆沙餅)..........不過煎得唔係咁好....有0的較為"火農"....今早就夾埋0的出貓豆沙入去......不過加埋一齊....成為出貓叮噹豆沙餅..哈哈....不過效果都唔錯..0的豆沙幾滑..又唔太甜..$6有500g....第日叫同事北上再買先..... 另外尋日浸左糯米..想整生炒糯米飯比爸爸食.點知尋晚煎銅鑼燒皮煎到10點幾....所以冇整到...今晚先整....不過一時重手....落多左老抽....攪到佢好深色..我爸爸話："佢仲深色過0的鹵味...不過幾好食...好食過上次.."聽完好開心...上次整....佢都話好食....今次好食過上次....hehe.....有進步..呵呵...
Recipe在 comment內

~~第一次自己整白汁意粉.....好開心呀^.^~~

今日整左我第一次0既焗芝士白汁海鮮意粉........其實0的海鮮買左好耐....係prepare整呢個意粉....但因為自己一直都冇咩野信心去整....所以冇整到.....但今日打開冰箱...望左好耐..都係決定試下...的起心肝整....不過整0既時候驚自己整得唔好食.....不過出黎味道唔錯...自己都幾 滿意....不過芝士味唔夠濃..下次試下加cream cheese 入去..唔知味道會係點呢....hehe

Recipe在 comment內

~~日式聖誕餐~~

尋日返完夜，今早10點放工..但一直都唔願走(另外因為爸爸叫我唔好咁早返屋企攪攪振..所以更加冇動機返屋企..哈哈)..stay左0係office同同事食埋個聖誕大餐先走.....走0既時候已經係1點..點知買野中途..爸爸打比我..問我幾點回家..幾時整壽司比佢食....所以勁快咁去比錢..但去完買野返到屋企已經成2點幾....所以即刻煲飯..prepare日式聖誕大餐.......整0既時候..知道爸爸喜歡食壽司..所以就搭單幾住6件比佢做下午茶.....原本打算整3款.....但最後唔夠時間....最終整左2款..反而爸爸就食左3款...哈哈......另外就整左蟹子沙律+燒汁金姑肥牛卷......hehe..3樣野爸爸都有份試味...佢話幾好食呀......hehe...另外留左0的比細佬..佢都話ok...呢個聖誕...真係開心啦..yeah.....希望大家都咁快樂..咁開心啦.......

~~對自己好0的....送個蛋糕比自己為今日返工而"典下典下"~~

今日係一年一度0既平安夜啦,,,祝各位聖誕快樂先... 不過就係呢個大日子...我要返工...仲耍係返夜班..冇得出去同朋友慶祝..要stay0係office度..... 不過都有同事陪我一齊..所以今日應佢地要求..整左個日式cheese cake比佢地..但今日唔知做咩野(可能太早..未訓醒....哈哈)個cake keep住一個溫度焗到尾..出焗時好靚......隔左一陣..個面就巢哂..唯有用糖粉遮遮佢啦...... 另外...為左令自己因為0係呢個特別0既日子而要返工去安慰自己....令自己開心0的..所以整左個朱古力古典蛋糕比自己..但....一波三折..首先0的牛油打唔軟...打左好耐先叫做軟0的....之後溶朱古力......將0的淡忌廉加入去時..唔小心..將0的cream整瀉左..一0的入左古古力度..一0的就瀉左出黎..所以耍量過..而且唔知份量係點..唯有靠估......不過..好彩地..焗出黎好靚..好開心呀..yeah.....

~~我至愛的其中一款特色圍村小食~~

尋日外婆整左呢個小食....個名叫"介舊仔"(個名我都係照佢地0既讀音打...哈哈..)佢知我好喜歡食，所以特地拎左去我亞姨屋企，叫我媽咪今日放假拎比我食...今日媽咪拎左返黎啦....真係好好食.....點食都唔厭.. 就0係尋晚，外婆知我依家成日都整野食，所以尋日整左之後，特登打電話比我，教我點去整.....hehe..我有抄低0的大約份量....只係大約架咋....冇法啦....老一背0既長者，整野食係靠經驗架...唔會好似我地依家0的後生仔女咁....咩野都照份量啦..哈哈... 所以我諗我如果真係整的話..都要try an error啦...希望我如果真係整的話..可以成功啦..到時就可以整比自己食啦...哈哈..

~~給同事朋友的聖誕曲奇Part II~~

前日整cookies諗住送比同事、朋友做聖誕禮物....因為未試過咁樣用吸模...同埋整一個double份量..所以整到好疲倦..0係筋疲力盡0既情況下...剩左1/5粉糰放左0係雪櫃..而尋日因為要提早返工..所以唔夠時間整..而且尋日pack cookies時發現原來唔係好夠送比人啦....所以今日放工...的起心肝焗埋佢......hehe....今次都幾滿意啦..而且掌握倒應該點整....下次應該唔會咁辛苦架啦.......不過有0的唔開心呀..>.<....我頭先有整格格曲加架..而且整得好靚架..點知掛住上網睇野攪到佢焗過火..變得好黑..呀..原先想送比人架....依家..唯有送比自己個肚啦....~.~"
另外同亞ter msn傾開..下次可以分段整cookies..可以先整粉糰..造形分N轉..咁就唔使咁辛苦..哈哈......可行可行..哈哈....
另外..今日終於打左流感針啦..打完之後好似唔知點咁......好想整古典未古力蛋糕..但因為打左針..唔夠膽咁"操勞"..令個針位腫..所以放棄左....呀~~~~~好想整野食呀~~~~~

~~今次為媽媽而整野食+送給同事朋友的小禮物~~

尋晚媽咪見我整左cookies...想今日拎比亞姨..但我想諗住比同事..所以reject左...跟住問佢拎唔拎椰汁糕比亞姨..佢話好...所以尋晚勁"虛脫"0既情況下..整左呢個糕糕.....而晚上有朋友搵我..佢知我整左..話要拎..所以尋晚快速幫個糕糕"降溫"...但都仲有少少暖導去去切...雖然有痴刀0既情況...但都切得唔差...但為左令佢靚0的..所以切完比朋友..就冇再切..今朝起身先continue...凍哂真切得好靚........呢個係我0既心得....大家可以試下.. 另外....有貓友問我點可以整得咁平均...我都想同大家分享下......我係先將0的漿未混色前分兩份...用兩個一樣size0既器皿裝住...而班蘭果份會多少少.....我通常用湯殼畢4殼做白色..其餘加入班蘭油....最後用個湯殼畢入個一個個飯碗度.....量一量...一份約125ml
另外，今日因為要開會..所以提早左返工.......0係開會前..我將尋日0既cookie pack好左......自己見倒都覺得好靚.....希望同事朋友們會喜歡啦

~~給同事及朋友的聖誕禮物+給爸爸的生炒糯米飯~~

今日0係屋企成日..就做左0的聖誕cookies..諗住送比朋友&同事做聖誕禮物...呀.....原來用吸模整0既cookies...係好辛苦架....都係用唧槍/唧咀好...... 另外....之前laam叫我挑戰格格曲奇....我今日都整左..但因為碌得唔夠薄..所以整出黎好大塊.....會"食死人"所以將佢一分為四..哈哈...... 做cookies...做到半死了.....因為係平時做0既一個double...所以做剩低1/50既粉糰放0係雪櫃..聽日先整(如果有時間的話).....之後就開始整生炒糯米飯比爸爸食.....之前見貓友同埋同事整得好正.....同事整果0的..簡直好食到暈....所以勁想整比爸爸食..因為我知佢喜歡食啦...今日終於整左啦...佢話好好食...仲叫我整埋剩餘0既糯米呀..哈哈.......好...我搵日得閒再整比佢食先..呵呵....

好成功的一天.....yeah...^.^

今次係我第五次整clarey配方0既人式芝士蛋糕..除左第一次之外.....次次都爆得好勁....原先以為今次都一樣..好彩..冇事啦....... yeah...其實整呢個cake都好大壓力...因為係prepare比我centre0既新主任....佢今日請我地全部唔需要當值0既同事食飯呀......好多人會去架....如果整得唔好..咁就真係.......不過今次真係好好彩...佢好靚呀...yeah.. ..今日同事食左..個個都話好好食呀......好開心呀.......不過個cake都係有縮到...我諗下次再杠 ..睇賜咩野原因先...hehe.. 另外整左菠蘿包...同場加整左栗米蟹柳包包..0的色好平均...焗得好靚呀..yeah.....不過個菠蘿包0既皮好似硬左0的..下次再整好0的先

呀~~~~被tag中了!!!!!!

剛post完個文障....就發現有comment....原來我被被貓友laruku tag 了 tag中左啦...唯有乖乖回答提問啦....
http://larukukitchenette.blog25.fc2.com/

(1) 這份問卷是誰傳給你的？
答：好型0既laruku

(2) 跟他是在怎樣的情況下認識的？
答：0係貓網度大家成日換野食而識架

(3) 認識多久了？
答：唔記得啦..要睇番我由幾時開始同佢換野先知喎

(4) 他有什麼別於一般人的特點嗎？
答：外表超型+整0的野食十件有中有十一件我都想換哂比自己

(5) 在你心目中他是怎樣的人？
答：外表好in...好動、健談0既人....而且應該會同我好夾.....呵呵...

(6) 現在有想認識誰嗎？
答：認一0的同我一樣喜歡煮野食0既人......

(7) 請傳給六個老友記
答：要諗諗先....

日式燒汁牛肉飯+亞ter給我的芒果奶黃糯米池+與學員一起做的曲奇

今日要返工..雖然時間好趕，但我都要整牛肉飯....皆因我前日拎左0的肥牛放左0係下格...諗住整燒汁牛肉比屋企人食..但因為有事出左去...所以前日冇整到.....今日起身(11點幾)打開雪櫃先記得..所以整埋佢....拎走做外賣..呵呵.....之後下午返到centre..就同當值話事人"申請"外出..買0的野整cookies..試下秋月姐姐捐比我centre0既焗爐.......yeah....焗得都唔錯..0的學員玩吸模玩得好開心.....而且話整出黎0既cookies好好食...見倒佢地喜歡.....我都好高興.....
另外下午亞ter拎左 0的芒果奶黃糯米池比我食...嘩..超好味呀..個皮好薄..而且好煙韌..我0的同事一陣就清哂啦...話我食過我果0的呀...唔得.....我都要努力0的..試下整下亞ter0既糯米池先..yeah...正...多謝亞ter.....

協助同事預備聖誕聯歡+教同事整椰汁糕.^.^

今日我個機構開聖誕聯歡會有好多野食需要預備..原先諗住得3個職員去預)一百四十幾人0既野人..但原來係唔得架...而且有一位早更同事sick leave，人手就更tough...好彩工場有人手支援，加埋共有4個職員一齊預備..但原來仍然唔得...最後..我都有入去幫人...一共出左成6個職員0係個廚房入面做野..嘩...真係從來都未試過.....好彩..所以食物都可以如時準備妥當..yeah......
起初以為有得睇、有得做......但就冇份食(因為果時我已經收左工，照計係唔應該有得食)但主任好好人....話全部stay左係機構0既同事都有得食..所以我都有得食啦.......呵呵......
開緊聯歡會時..有同事問我：咦...邊樣係你整架..點解唔見你0的cheese cake0既？....聽完之後"o"左個咀...我0係度諗....我點會0係呢0的活動度整野食丫....咁大責任....好大壓力........哈哈..整野食..如果整得唔開心.....咁辛苦..整黎做咩野丫.....right？hehe........
之後...所有要整 0既野都整哂啦..0的學員仲有活動....而我就功成身退啦....返回我個"地頭"度坐下..休息下.....坐左一陣，發現自己個凳底，發現前幾日0係天澤買0既木薯粉...之後見倒個同事，問佢0係唔係想試下整印尼椰汁糕....跟住就去整啦....hehe...所以就因為咁...我就繼續stay左0係office度教佢整.....教完佢....之後返屋企...心郁郁都整左...hehe..好好味呀

不太舒服的一天+熱辣辣0既馬拉糕~~~~

今日凌晨個肚開始痛....痛到訓得唔好......今早起身都冇咩野精神....但又好想整野食..諗左一陣..都唔知整咩野好...見倒包黑糖剩番少少0係度，跟手磅一磅佢..發現剛有100g，所以就用左黎整馬拉糕...今次加多左3/4茶匙發粉...比上次蒸得仲鬆.......唔錯......之後出左去荃灣拎左個焗爐...係個網友(秋月姐姐)捐出黎比我個centre0既學員.......我都希望可以快0的用黎教佢地整野..咁樣..佢地一定會好開心.....當然...最開心果個會0係我......呵呵.....^.^

在家中的第一次----香腸包包+芝士餐肉包包^.^

果日0係laam度整完包包，所以成日都心思思，勁想整包包，個同事見我成日提酵母，所以尋晚帶活動外出時，0係惠康買左0的酵母比我.....但....聽網友們講..0的酵母好多時都已經certify..所以今日day-off ，留0係屋企0係度試整時.....勁擔心.....因為今日真係整左成朝架....但冇法..都要試試...但發酵時真係勁擔心..唔知佢會唔會係死啦...好彩...冇事....yeah...成功地出左爐啦....不過個爐溫唔平均...攪到0的包包0既顏色唔係咁平均... 但食落都好軟熟..我自己都食左兩個....唔錯..唔錯.....我諗我會繼續整....(仲話可以減肥...依家咁..仲點減呀..哈哈...)

爆哂口....冇哂餡0既芝士波波......~.~"

今日起身唔知整咩野好....尋日諗起同laam講起芝士波波..所以今日又整下......嘩..焗0既時候爆開哂...而原先放0係入面0既左芝士餡....就因為0的波波爆開哂而流哂出黎.....攪到冇哂餡......
今日知道laam終於都用左佢0既酵b整包包..攪到我都心動想自己養酵b，但我知屋企一定唔比，如果比屋企人知..佢地一定趕我出街....哈哈......不過唔緊要..如果laam今日整0既包包成功的話，我會將我0既酵b放0係佢屋企...哈哈.......唔知laam整成點呢？期待佢0的酵b包包...^.^

我的第一次---好滿足0既包包!!!

今日，去左laam家中學下整包包，今次真係有落手落腳同laam一齊搓....好開心呀.....而且原來搓包包冇我想像中咁難.....但就要好用力...搓到個身有熱...雖然好"支力".....但非常開心呀.......見倒個粉糰發酵，見倒0的包包變大...嘩..勁滿足..睇住0的包包出世..嘩....勁開心..感到勁新奇...真係好好玩架......唔得....下次又玩過先....哈哈.......仲有呀..如果做包比人食..自己又唔會食太過的話..呢個一定係一個減肥運動...值得推介..哈哈.......

凍冰冰+熱辣辣...雙重享受....呵呵....~.~

由於呢期經常被下令要清理"蘇州屎"...所以要將0的剩餘物資用哂佢...見倒咩野就用咩野..所以依家天氣開始凍..我都要整puff...皆因我個雪櫃有用剩左奶黃......不過勁開心..0的puff今次冇淋到呀...凍凍地好好食呀....... 另外果日gathering買左焗薯....依家好難買倒一0的冇發芽0既焗薯...一方面唔想放到佢又出芽..另一方面有同事話要食...所以決定整埋佢..哈哈.... 頭先焗出黎...熱辣辣架.....但同事就話較乾身.....唔夠濕....冇法啦...驚佢凍哂..所以焗完都冇拎出黎.....等返工前先拎走........下次如果冇 咁凍...應該會好0的....哈哈....
Recipe 在comment內

很難包的花生芝麻湯圓

頭先又被媽咪"下令"要清清個雪櫃啦..... 佢話我知個冰箱放左我之前0的"蘇州屎"------花生芝麻糯米池0既餡.....呀......要清左佢......掉左佢..又唔捨得....人手壓花生....整得好辛苦架.....諗左一陣.....不如包湯圓啦.....不過原來好難包架....0的餡好散...所以包左幾粒都唔成功.....最後得5粒ok架咋.....而且出黎0的餡好少.....依家0係度諗緊0的餡應該點整...因為其實我爸爸對花生芝餡0係情有獨鍾，所以都想整下比佢食....剝左佢彭牙..呵呵......因為佢成日話我整0的野唔好食...最後又食..哈哈..我要佢實造實說..要一開口就讚我果隻...哈哈.....講番0的餡......唔通要我好似整雷沙湯圓0既芝麻餡一樣..要用硬豬油搓好佢成為一粒粒固體咁先包......但....咁咪真係好肥..... 同唔係咁健康...咁..應該點好呢？

元朗貓友gathering III及第一次整奶黃西米糕

尋日已經開始籌備今日0既gathering..整左椰汁千層糕......今日成個上午就0係度整焗薯.....焗完第一轉..行開左一陣....發現少左一隻..原來爸爸食左.....佢話味道ok...食得入口......佢真係...唉~.~...而下午就去左GATHERING....嘩.......好多野食呀........好開心呀....大家都有好多話題..好似識左好耐咁..真係好開心呀......希望下次如果真係再攪0既時間....可以有更多人參加......有更多0既話題...交流下心得......
另外..尋日執野....見倒自己原來買左西米..應該係諗住整泰式椰汁西米糕..但又覺得好似好難..所以冇整到.......睇過主網..見到個紅豆西米糕...好似唔太難..所以試下整...仲浸左西米.....但尋日因為出左去......返黎又掛住包餃餃......所以都冇整到...洗完今日整野食0既用具後.......發現雪櫃放左尋日浸落0既西米...所以忍唔住又試下整.......整出黎......都OK0既...但唔係太靚.....

包餃子的練習~.~ ~.~

都有一段時間冇包過餃子啦.......唔知點解今日忽然想練下包餃子......一早放工....買好哂料....但因為要預備聽日元朗貓友gathering0既其中一樣野食...同埋老豆0係屋企.....再加上下午有野做..所以包唔倒........攪攪下.......要好夜先包倒...... 不過好開心呀.......今次竟然包得唔錯...可以包倒好多餡0係入面...而且可以包倒好多好細0既摺摺呀.......自己見倒都覺得好滿足..希望下次可以再包好0的啦......因為想飲下湯..所以將0的餃餃放左湯..所以0的摺摺唔係太明顯...對比唔倒添....

第一次整的蛋撻

見倒有jm整蛋撻..攪到我都心郁郁想整....今日終於整左啦......原來好難控制架(可能我笨手笨腳啦..哈哈... )第一次焗3隻做試驗....焗到0的多漿"老哂"第二次焗三隻....焗出黎就ok啦...........到2點幾因為要返工啦...所以將全部入哂焗爐去焗啦.....焗出黎都幾靚..但個面有0的小孔...同埋個皮比較厚....而同事話整體味道ok.......係個皮厚左0的....冇法啦...因為我驚0的皮太薄會穿..所以整厚0的..但厚來0的皮會發...所以....有今次經驗..下次我會整好0的.yeah....
另外因為落街買淡奶..見倒0的香蕉平..所以就買黎焗香蕉蛋糕.......但個模好似比較大...所以就好扁......哈哈.....

為爸爸而整的糯米池+不太漂亮的椰汁千層糕

今日因為感冒..而且唔想返工..所以就請左一日"病假"(調轉黎讀就係我今日放假0既真正原因.......呵呵............)留左0係屋企做自己野......記得上次整左0的皮薄0既糯米池.....放左0的係屋企比爸爸食....放工返屋企..問佢好唔好食...佢話唔好食...聽左之後好hurt.....但再聽佢講原因===>爸爸：都唔係花生餡﹗外面又有椰絲.....糯米池邊度係咁架.....聽左之後....即刻"O "左個咀........所以今日唔憤氣..整左沙糖花生芝麻餡糯米池比佢..出面用熟糯米粉..唔用椰絲...睇佢今日有咩野講..哈哈....
頭先佢放左工，我見佢搵野食..就比左0的糯米池佢試......我問佢好唔好食...佢一邊食..一邊笑住咁話唔好食.....話唔夠餡....冇鄉下果0的咁又好......哈哈....聽完之後因為要出去...所以就冇問佢.......剛返到屋企........見倒個盒入面剩番4個糯米池(原先好似有10個)..呵呵.....爸爸食左...呵呵...次次佢都會話我整0的野唔好食......但如果0的野剩番少..即係佢口硬唔講真話........好食都話唔好食......佢厄我唔倒..呵呵.....所以我有信心...0的糯米池應該唔差....哈哈.....
另外我仲整左印尼椰汁千層糕.......不過冇上次整得咁靚......呀...未必次次都可以保持水準..唔得..我要練多0的啦...哈哈.....